Pahladzieli, nakolki płanujuć padniać staŭki adzinaha padatku z 2025 hoda dla IP i samazaniatych pa niekatorych papularnych vidach dziejnaści.
Pavyšeńnie padatku praduhledžana ŭ prajekcie źmianieńniaŭ Padatkovaha kodeksa.
Naprykład, samazaniatyja, jakija ŭ Minsku akazvajuć cyrulnickija, kaśmietyčnyja pasłuhi abo robiać manikiur i piedykiur, z nastupnaha hoda buduć płacić 384 rubli ŭ miesiac zamiest 364 rubloŭ sioleta. U abłasnych centrach — 353 rubli zamiest 335.
Za dyzajnierskija pasłuhi adziny padatak vyraście z 510 da 538 rubloŭ u Minsku i z 471 da 496 u abłasnych centrach.
Raspracoŭščyki sajtaŭ zamiest 637 rubloŭ buduć płacić 671 rubiel u Minsku i 621 zamiest 589 rubloŭ u abłasnych centrach.
Na 10 rubloŭ bolš buduć płacić staličnyja repietytary — 186 rubloŭ. U abłasnych haradach rost składzie 9 rubloŭ i dasiahnie 172 rubloŭ.
Adziny padatak dla IP za karotkaterminovuju zdaču žyłych pamiaškańniaŭ vyraście ŭ Minsku z 667 da 703 rubloŭ, u abłasnych centrach — z 621 da 655 rubloŭ.
Bolš za ŭsio staŭka adzinaha padatku z 1 studzienia 2025 hoda moža vyraści dla IP, jakija handlujuć u roźnicu «inšymi charčovymi tavarami» — z 1561 da 1654 rubloŭ u Minsku i 1020 zamiest 968 rubloŭ u abłasnych centrach.
Mienš za ŭsio (na 2 rubli) padatak vyraście ŭ tych fizasob, jakija akazvajuć pasłuhi pa raśpiłoŭcy i kołcy droŭ, zajmajucca pahruzkaj i razhruzkaj hruzaŭ — z 42 da 44 rubloŭ u stalicy i z 40 da 42 u abłasnych centrach.
Razam z pavyšeńniem stavak adzinaha padatku čarhovy raz skaraciŭsia śpis vidaŭ dziejnaści. Dla IP ich zastałosia tolki try:
- karotkaterminovaja arenda žytła;
- razdrobny handal tavarami, adniesienymi da peŭnych hrup tavaraŭ;
- častka rabot i pasłuh, jakija padpadajuć pad punkt «inšyja vidy» (za vyklučeńniem vidaŭ rabot i pasłuh, nazvanych u punkcie 2 art 336 Padatkovaha kodeksa).
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary