Chto vyšukvaje ŭ kramach i biblijatekach «ekstremisckuju» litaraturu?
Pa słovach ministra infarmacyi Marata Markava, knižnyja mahaziny i biblijateki z metaj vyjaŭleńnia «ekstremisckaj» litaratury manitorać niekalki struktur — siarod ich Ministerstva infarmacyi, Sajuz piśmieńnikaŭ Biełarusi, siłavyja orhany.
«My padklučajem rehijanalnyja arhanizacyi [Sajuza piśmieńnikaŭ]. Jany z zadavalnieńniem iduć nam nasustrač u hetym pytańni. I niepasredna kiraŭnik Alaksandr Mikałajevič Karlukievič akazvaje vialikuju dapamohu Ministerstvu siońnia ŭ hetym pytańni», — skazaŭ Markaŭ u intervju Pieršamu infarmacyjnamu kanału.
U 2024 hodzie Ministerstva infarmacyi prasiła pravieryć 284 vidy pradukcyi. U 269 vypadkach dadzienyja materyjały sud pryznačyŭ «ekstremisckimi».
Jak raskazaŭ Markaŭ, litaratura, pryznanaja ekstremisckaj, nie spalvajecca, a zabirajecca z kram i biblijatek:
«Jość peŭny miechanizm. Ja nie budu chavać, što hety miechanizm ciapier dapracoŭvajecca. Miarkujecca ŭniasieńnie źmien u Zakon ab supraćdziejańni ekstremizmu. Hetyja źmieny inicyjavanyja, zrazumieła, sumiesna ź Ministerstvam unutranych spravaŭ, Ministerstvam kultury. I Ministerstva infarmacyi ŭniesła svaje prapanovy. Hety miechanizm, ałharytm, budzie ŭdaskanaleny, dapracavany i [budzie] dakładna prapisana, chto i jakim čynam pavinien dziejničać».
Ministr dadaŭ, što jany prapanujuć takuju «navacyju» — kab vydaviec, kali jamu pastupiła sumnieŭnaja zamova, na praciahu sutak infarmavaŭ adpaviednyja orhany ź pieradačaj samoha błanka zamovy.
Ministr Markaŭ raskazaŭ, jak jaho dačka trapiła na telebačańnie
Markaŭ: Nas buduć zakidvać «ekstremisckaj litaraturaj», kab mozh stanaviŭsia bolš miakkim
Ministr infarmacyi Markaŭ znajšoŭ miedyjatara dla dyjałohu pamiž dziaržavaj i apazicyjanierami
«Sproby pierapisać historyju stali jašče bolš lutymi». Łukašysty źviarnuli ŭvahu na asartymient biełaruskich kniharniaŭ
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary