Ministr infarmacyi Markaŭ znajšoŭ miedyjatara dla dyjałohu pamiž dziaržavaj i apazicyjanierami
Kaža, što emihranty daviarajuć jamu.
Ministr infarmacyi Marat Markaŭ prapanavaŭ zvarščyku Ramanu Pratasieviču stać miedyjataram pamiž dziaržavaj i apazicyjaj. Ideja prahučała padčas šou «Markaŭ. Ničoha asabistaha», kudy ŭ treci raz na intervju paklikali Pratasieviča.
«Vy hatovyja vystupić miedyjataram pamiž dziaržavaj i źbiehłymi, jakija vam daviarajuć, mohuć davierycca vašamu słovu i napisać zajavu [ŭ kamisiju pa viartańni]? Heta takaja spantannaja maja asabistaja cikavaść…. Vy hatovy ŭ hetym płanie papracavać?» — spytaŭ ministr infarmacyi.
«Hatovy, — zapeŭniŭ Raman Pratasievič. — I mahu skazać pa sakrecie, ja ŭžo rablu pieršyja kroki ŭ hetym kirunku».
«To-bok kali ad vas pryjdzie sms niejkamu … — nie budu nazyvać proźviščy ludziej, jakich ja sam dobra viedaju daŭno (śmiajecca), — to jany mohuć daviarać, što heta pryjšło ad vas?» — praciahnuŭ Marat Markaŭ.
Pratasievič vykazaŭ mierkavańnie, što rassyłać sms — nie samaja dobraja ideja. Maŭlaŭ, lepš, kali inicyjatyva budzie iści ad emihrantaŭ.
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary