Sud Leninskaha rajona Bresta 25 kastryčnika vynies čarhovy masavy prysud za ŭdzieł u akcyi pratestu 10 žniŭnia 2020 hoda. Andreja Karčahu, Irynu Saroku, Taisiju Litvinavu, Siarhieja Piatručyka, Dźmitryja Bułanava, Valera Maroza asudzili pavodle č. 1 art. 342 Kryminalnaha kodeksa (aktyŭny ŭdzieł u dziejańniach, što hruba parušajuć hramadski paradak). Prysud vynies Śviatasłaŭ Kalina, piša «Viasna».
Prysud nastupny:
- Andrej Karčaha, Siarhiej Piatručyk, Dźmitryj Bułanaŭ, Valer Maroz — kožnamu pa adnamu hodzie šeść miesiacaŭ kałonii ahulnaha režymu;
- Taisija Litvinava — adzin hod i šeść miesiacaŭ pazbaŭleńnia voli — sukupna z papiaredniaj sudzimaściu pa art. 328 KK atrymała 11 hadoŭ kałonii i štraf;
- Iryna Saroka — dva hady «chatniaj chimii».
Pavodle viersii abvinavačvańnia, 10 žniŭnia 2020 hoda fihuranty spravy ŭ Breście «vykrykvali łozunhi, demanstravali pałotny bieł-čyrvona-biełaha koleru, naŭmysna pieraškadžali ruchu transpartnych srodkaŭ i narmalnamu funkcyjanavańniu pradpryjemstvaŭ». Hetym jany nibyta hruba parušali hramadski paradak.
Taisija Litvinava, pavodle źviestak «Bieraściejskaj Viasny», raniej fihuravała ŭ videa siłavikoŭ u žniŭni 2024 hoda, a pra šachmatysta Dźmitryja Bułanava siłaviki publikavali videa ŭ lipieni 2023 hoda. Tady mužčynu prymusili na kamieru pryznavacca va «ŭdziele ŭ pratestach u 2020 hodzie». Mužčyna kazaŭ, što źjaŭlajecca prafiesijnym šachmatystam, uvachodzić u 30-ku lepšych šachmatystaŭ Biełarusi.
Nahadajem, za ŭdzieł u bresckich pratestach 10 žniŭnia 2020 hoda asudzili minimum 77 čałaviek da kałonii pavodle art. 293 KK. Paśla niekatoraha zacišša, naprykancy 2023 hoda pačalisia novyja zatrymańni za tyja pratesty, ale ŭžo pavodle art. 342 KK. Pavodle jaho asudzili ŭžo minimum 67 čałaviek.
Ciapier čytajuć
Zialenski: Retranślatary na miažy Biełarusi prypynili pracu74
Zialenski: Retranślatary na miažy Biełarusi prypynili pracu
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu3535
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu35
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3333
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było33
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary