Za vychadnyja biełaruskija rybaki złavili troch zdaravieznych samoŭ FOTY
U minułyja vychodnyja biełaruskim rybakam udałosia złavić adrazu troch vielizarnych samoŭ. Trafiei dastalisia rybakam u Hrodzienskaj, Minskaj i Bresckaj abłaściach, piša Tochka.by.
Pieršaha hihanta złaviła Ksienija Mazur na Niomanie ŭ Navahrudskim rajonie. Soma jana vyciahnuła na kvok, vykarystoŭvajučy ŭ jakaści prynady vypaŭzka. Ryba mieła 190 santymietraŭ u daŭžyniu i važyła 52,6 kiłahrama. U łodku trafiej ledź źmiaściŭsia. Pavodle słoŭ rybački, palavańnie na hetaha soma praciahvałasia cełyja sutki.
U Minskaj vobłaści rybak Kanstancin złaviŭ jašče bolš bujnoha soma — jaho daŭžynia skłała 215 santymietraŭ. Ryba klunuła na kvok na hłybini 6,5 mietra, taksama na vypaŭzka.
Paśla taho jak rybak sfatahrafavaŭsia z trafiejem, jon adpuściŭ soma nazad u vadajom. U kamientaryjach karystalniki asabliva pachvalili mužčynu za takoje rašeńnie.
Ale samym bujnym ułovam vychadnych staŭ som, jakoha na žyŭca złaviŭ Viktar Vabiščevič na race Haryń u Stolinskim rajonie. Daŭžynia rybiny pieravysiła 240 santymietraŭ. Uzvažyć jaje nie ŭdałosia — som akazaŭsia zanadta ciažkim.
Rybak raskazaŭ, što sam jon nie słaby čałaviek i raniej moh padniać 60 kiłahramaŭ, ale hetaha soma padniać nie zdoleŭ. Kab pakazać sapraŭdnyja pamiery trafieja, Viktar loh pobač z rybaj dla fatahrafii. Na zdymku som vyhladaje navat bolšym za samoha rybaka.
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi6
Kamientary