U Krasnadary šmatdzietny biełarus paprasiŭ rasijanina nie maciukacca. Ale tak niaŭdała, što toj udaryŭsia patylicaj ab śmietnicu i pamior
Pjany rasijanin abazvaŭ biełarusa «čortam» — i pačałosia.
U Krasnadary sud vynies prysud 47‑hadovamu biełarusu Paŭłu Jankieviču, jaki pryjechaŭ u Rasiju na vachtavuju pracu — demantavać budaŭničyja ryštavańni ŭ aeraporcie. Jaho asudzili na 2 hady 11 miesiacaŭ kałonii strohaha režymu za śmierć rasijanina, ź jakim jon paspračaŭsia nočču kala haścinicy dla rabočych.
U noč zdareńnia biełarus pračnuŭsia ad krykaŭ i łajanki — rasijanin Barysaŭski byŭ mocna pjany i roŭ na ŭsiu vulicu. Jankievič vyjšaŭ i paprasiŭ jaho sucišycca, kab toj nie budziŭ ludziej pierad pracoŭnym dniom.
Toj nie pasłuchaŭsia, a potym abazvaŭ biełarusa «čortam». U adkaz Jankievič udaryŭ jaho rukoj pa tvary — Barysaŭski straciŭ raŭnavahu, upaŭ i stuknuŭsia patylicaj ab mietaličny śmiećcievy kantejnier.
Ekśpiertyza pakazała: mienavita ŭdar rukoj (a nie ŭdar ab kantejnier) vyklikaŭ kryvaciok pad mazhavymi abałonkami, ad čaho praź niekalki hadzin nastupiła śmierć. Jankievič i jaho znajomyja sprabavali reanimavać paciarpiełaha — rabili masaž serca, štučnaje dychańnie, vyklikali chutkuju, jakaja jechała bolš za dźvie hadziny. Vyratavać čałavieka nie ŭdałosia.
Sam Jankievič svaju vinu pryznaŭ tolki častkova: udar nanios, ale nie mieŭ namieru pryčynić ciažkuju škodu zdaroŭju i nie dumaŭ, što ad adnaho ŭdaru čałaviek moža pamierci.
Sud, adnak, kvalifikavaŭ dziejańni jak naŭmysnaje pryčynieńnie ciažkaj škody zdaroŭju, što pa nieaściarožnaści pryviało da śmierci (č.4 st.111 KK RF). Siarod źmiakčalnych abstavin — troje małaletnich dziaciej u Jankieviča, amaralnyja pavodziny zahinułaha jak pryčyna kanfliktu i toje, što biełarus akazvaŭ dapamohu paciarpiełamu.
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary
[Zredahavana]