Va Uljanaŭskaj vobłaści adkryli manumient vieteranam bajavych dziejańniaŭ, ale niešta pajšło nie tak.
Pomnik vieteranam bajavych dziejańniaŭ, udzielnikam łakalnych vojnaŭ i ŭzbrojenych kanfliktaŭ adkryli pasiołku Sielikatny Uljanaŭskaj vobłaści. Jon składajecca ź dźviuch plit, na pravaj namalavany vajenny.
Praŭda, miascovyja žychary adrazu zaŭvažyli padvoch: na pomniku sałdat namalavany ŭ formie standartaŭ NATA z amierykanskaj šturmavoj vintoŭkaj u rukach, piša Astra.
Z-aktyvist i eks-udzielnik vajny suprać Ukrainy Danił Ibietaŭ, jaki dapamahaŭ rabić eskiz dla manumienta, pasprabavaŭ apraŭdacca.
«Ja chaču raźviejać vašy sumnievy. Kali my brali horad Bachmut, mnohija z maich bajavych tavaryšaŭ, uklučajučy mianie, vykarystoŭvali trafiejnyja M16 i M4. Hetyja vintoŭki pryjšlisia nam pa dušy, i ja asabista vybiraŭ ich dla našaha mastaka, jaki stvaraŭ hety vydatny pomnik», — zajaviŭ Ibietaŭ.
Taksama jon prapanavaŭ asabista sustrecca ŭsim, kamu nie padabajecca pomnik. Pry hetym Ibietaŭ nie patłumačyŭ, čamu sałdat na pomniku nie tolki z amierykanskaj zbrojaj, ale i ŭ nataŭskaj formie.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju27
Kamientary