Ašukancy dabralisia da najpapularniejšaj sacyjalnaj sietki. Nie padmanucca vielmi ciažka
Ašukancy aktyvizavalisia ŭ Instagram.
Fota: vecteezy.com
Sa schavanaha akaŭnta @helpspportcenterblers1 (abo anałahičnych) masava rassyłajecca fejkavaje paviedamleńnie ad imia Meta, u jakim havorycca pra parušeńnie karystalnikam pravił supolnaści i «adklučeńnie ŭlikovaha zapisu na praciahu 24—48 hadzin», piša «Blizka».
Achviary prapanujecca «zapoŭnić formu apielacyi, kab prahledzieć i abskardzić skarhu», pierajšoŭšy pa spasyłcy.
Heta paviedamleńnie — fišynhavaja ataka, nakiravanaja na pierachop akaŭnta i zavałodańnie piersanalnymi danymi.
Ni ŭ jakim razie nie pierachodźcie pa spasyłcy i nie davajcie asabistuju infarmacyju abo danyja ŭlikovaha zapisu.
Kamientary