Stamatołah raskazała pra raspaŭsiudžanuju pamyłku nakont małočnych zuboŭ
Niekatoryja baćki nie ličać prablemaj razbureńnie małočnych zuboŭ u dziciaci, bo vyrastuć novyja pastajannyja. Ale heta pamyłkovy pohlad.
Jak tłumačyć hałoŭnaja doktarka Minskaha haradskoha dziciačaha kliničnaha centra stamatałohii Jaŭhienija Koršykava, małočnyja zuby biez patałohij słužać padmurkam dla farmiravańnia zdarovych stałych zuboŭ i zubnoha radu. Nie mienš važna, što luby patałahičny praces u zubach — heta ačah chraničnaj infiekcyi. Jana moža raspaŭsiudžvacca na roznyja orhany, vyklikać zachvorvańni piečani, nyrak, sardečna-sasudzistaj sistemy i sustavaŭ, źnizić ahulnuju rezistentnaść arhanizma, pryvodzić jaje słovy BiełTA.
Akramia taho, bieź lačeńnia małočnych zuboŭ ich možna prosta stracić. Jak vynik — farmiravańnie niapravilnaha prykusu i škileta tvaru.
— Ja ŭžo nie kažu pra psichałahičny aśpiekt. Kali ŭ dziciaci jość niejki defiekt, jaki bačny inšym dzieciam, heta moža značna pahoršyć jaho sacyjalizacyju ŭ kalektyvie, — dadała Koršykava.
Pavodle jaje słoŭ, małočnyja zuby sami pa sabie šyrejšyja, ich karani šyroka rasstaŭlenyja i jak by «abdymajuć» pastajannyja zuby. Kali nie lačyć karyjes, praces raspaŭsiudžvajecca na pulpu i zatym vychodzić u pieryjapikalnyja tkanki. Farmujecca zapalenčy ačah, jaki ŭ tym liku moža pryvieści i da hibieli pastajannaha zuba. Da taho ž, skivicy raźvivajucca aktyŭna tolki pry najaŭnaści hetych časovych zuboŭ, a pry vydaleńni małočnaha utvorycca pustata.
— Adpaviedna, parušajecca aktyŭny rost skivicy. I kali prarezvajecca pastajanny zub, apryjory bolšy, čym małočny, jamu ŭžo niama miesca ŭ zubnym radzie. I jon prarezvajecca zusim nie ŭ tym miescy, dzie pavinien być. Zuby, jakija stajać pobač, nachilajucca — voś vam i nastupnaje artadantyčnaje lačeńnie, — skazała hałoŭnaja doktarka.
Ciapier čytajuć
«Franak, adnosiny pamiž ludźmi mohuć budavacca nie tolki na manipulacyjach». Prakop‘jeŭ daŭ vodpaviedź Biaspałavu. I Viačorku41
Kamientary