Z pačatku listapada kiroŭcaŭ taksi ŭ Minsku stała mienš na 35%
Mašyn na linii vychodzić mienš, a popyt usio toj ža. Tamu klijenty ŭsio čaściej bačać u svaim dadatku paznaku ab tym, što cana na pajezdku pavyšana.
U «Jandeks Go» raspaviali, jak pracujuć taksi ŭ Biełarusi paśla ŭviadzieńnia rejestra pieravozčykaŭ z 1 listapada.
Pavodle infarmacyi kampanii, kolkaść mašyn rezka źniziłasia ŭ siarednim na čverć.
«Pavodle źviestak našaha servisu, u pieršyja dni pracy rejestra kolkaść kiroŭcaŭ na linii skaraciłasia ŭ siarednim na 25% u krainie i na 35% u Minsku», — raspavioŭ Tochka.by kiraŭnik «Jandeks Go» u SND Kirył Śvincoŭ.
Heta zakanamierna adbiłasia na karystalnikach: čas čakańnia mašyny pavialičyłasia, a košt za pajezdku pa zvykłym maršrucie staŭ vyšejšym.
«Praz toje, što vykanaŭcaŭ u servisie stała mienš, a kolkaść achvotnych źjechać zastałasia zvyčajnaj, u sistemie staŭ spracoŭvać kaeficyjent, jaki padvyšaje košt. Kali ałharytm nie pavialičyć košt, u dadatku my časta budziem bačyć «niama svabodnych mašyn», — rastłumačyŭ Kirył Śvincoŭ.
Jon pryznaŭ, što pry toj kolkaści kiroŭcaŭ, jakija ŭklučany ŭ rejestr i mohuć ciapier vykonvać zakazy praz «Jandeks Go», «niemahčyma zabiaśpiečyć uzrovień cen i čas padačy», da jakich klijenty pryvykli da 1 listapada.
«Viarnuć popyt i prapanovu ŭ stan bałansu (kali kiroŭcaŭ na linii dastatkova, kab vykanać usie biahučyja zakazy) možna, tolki pavialičyŭšy kolkaść kiroŭcaŭ u rejestry i, jak śledstva, u našym servisie», — kanstatavaŭ pradstaŭnik kampanii.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary