Zdareńni44

«Kachaju ciabie, sumuju pa tabie» — napisaŭ žoncy ŭ sacsietkach. Praź niekalki hadzin zabiŭ jaje i dvuch jaje dziaciej

U niadzielu, 17 listapada, prakuratura Brusela paviedamiła pra aryšt 54-hadovaha ryełtara Žaze P.

U subotu, 16 listapada, u domie, jaki ryełtar zdymaŭ u svajho brata, znajšli cieły jaho 40-hadovaj žonki, hramadzianki Polščy, a taksama 13-hadovaha pasynka i hadavałaj dački.

Pavodle papiaredniaj viersii śledstva, heta było zabojstva-samahubstva (kali častkaj płanu ździajśnieńnia samahubstva jość zabićcio adnoj ci niekalkich inšych asobaŭ). 

Ale navat nie heta samaje žudasnaje. Pavodle rtl.be, rašeńnie ździejśnić złačynstva mahło być pryniata supolna z žonkaj. 

«Spačatku atrucili 13-hadovaha syna polki ad papiarednich adnosin. (…) Paśla zastrelili žančynu i ich hadavałuju dačušku. Ich cieły znajšli ŭ abdymkach», — piša polskaje vydańnie «Fakt».

Miarkujecca, što paśla ŭsiaho hetaha Žaze P. pavinien byŭ pryniać narkotyki i ździejśnić samahubstva. Ale na peŭnym etapie jon straciŭ prytomnaść, i ŭ takim stanie jaho i znajšli ratavalniki. 

Cikava, što ŭ domie na ścienach byli napisany paviedamleńni kštałtu «prabačcie». U dzień zabojstva Žaze P. raźmiaściŭ u sacsietkach videa, dzie vykazvaŭ luboŭ da svajoj žonki, supravadziŭšy jaho siamiejnymi fotazdymkami i ramantyčnaj pieśniaj. 

Raniej Žaze P. straciŭ pracu ŭ kampanii svajho brata. Aproč taho, brat patrabavaŭ ad siamji, kab jana nieadkładna vysieliłasia ź jahonaha doma. 

Brat, jak paviedamlajecca, ciaham doŭhaha času šantažavaŭ i pahražaŭ siamji. Darečy, u domie była znojdziena zbroja nieviadomaha pachodžańnia.

Ci strata pracy, kanflikt z bratam i pahroza vysialeńnia — dastatkovaje tłumačeńnie matyvaŭ patrojnaha zabojstva (jakoje, mierkavana, pavinna było skončycca samahubstvam)? Składana ŭ heta pavieryć. Śledstva praciahvajecca.

Kamientary4

  • baradzied
    19.11.2024
    ryełtar horš za jabaćku
  • Uhu
    19.11.2024
    Jaŭna byŭ na niejkich tabletkach cipa rytalinčyku.
  • Byŭšaja babarykanka
    19.11.2024
    Dziaciej škada

Ciapier čytajuć

Minski haradski sud nie vytrymlivaje nahruzki — nie paśpiavajuć sudzić palitviaźniaŭ5

Minski haradski sud nie vytrymlivaje nahruzki — nie paśpiavajuć sudzić palitviaźniaŭ

Usie naviny →
Usie naviny

Siamju vybitnych piedahohaŭ-bajanistaŭ asudzili za ŭdzieł u pratestach4

Jak adkryvałasia miaža z Polščaj. Repartaž z Bresta

«Vialikaje supraćstajańnie pamiž Rasijaj i Jeŭropaj». Što adbyvajecca ŭ Małdovie napiaredadni vybaraŭ3

Kitajski aŭtapram imkliva zavajoŭvaje Jeŭropu. Zamiest svaich lehiend jeŭrapiejskija zavody vypuskajuć aŭto z Padniabiesnaj12

USU zajavili pra źbićcio rasijskaha Su-34 pad Zaparožžam3

Na tolki što adkrytaj polskaj miažy ŭžo ŭtvaryłasia čarha z troch tysiač aŭtamabilaŭ3

Hłabalny zruch u katalictvie: u Indyi bolš sieminaryj, čym u Italii, a ksiandzy na padmienu pryjazdžajuć u Jeŭropu z Afryki9

Ukrainski marski bieśpiłotnik pad urahannym ahniom dapłyŭ da naftanaliŭnoha terminała Tuapse i ŭzarvaŭ jaho VIDEA5

Załužny: Ukrainu ŭratuje stvareńnie kibierfizičnaj sistemy abarony, z aporaj na robataŭ3

bolš čytanych navin
bolš łajkanych navin

Minski haradski sud nie vytrymlivaje nahruzki — nie paśpiavajuć sudzić palitviaźniaŭ5

Minski haradski sud nie vytrymlivaje nahruzki — nie paśpiavajuć sudzić palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić