Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki

Jak stała viadoma «Našaj Nivie», u siaredzinie lipienia amal adnačasova — z roźnicaj u dva dni — padalisia na bankructva dźvie viadomyja ŭ vuzkich kołach kampanii: AAT «Intechnabud inviest» i AAT «ZasłaŭlBudInviest». 

U pieršaj kampanii niepahašany pierad kredytorami doŭh — 74 tysiačy, u druhoj — 503 tysiačy rubloŭ. 

Centralnyja fihury hetych uzajemaźviazanych kampanij — pradprymalnik Hleb Vajnoŭski i ŭ minułym prafiesijny chakieist i, da niadaŭniaha času, hulec kamandy Łukašenki Siarhiej Šytkoŭski. 

U pieryjady ekanamičnych uzdymaŭ dla taho, kab atrymać ziamlu pad zabudovu ŭ stalicy, samaj prastoj darohaj było padpisać rašeńnie ŭ Łukašenki z dapamohaj hetak zvanaha «choda» — blizkaha da jaho spartsmiena, lepš za ŭsio chakieista. Takim čynam chakieisty stanavilisia troški jašče i zabudoŭščykami, a pasrednyja biznesmieny — bujnymi staličnymi deviełapierami. U pryncypie, sajuz Šytkoŭskaha i Vajnoŭskaha całkam adpaviadaje takoj kateharyzacyi.

Dla pravaročvańnia schiemy nie patrabavaŭsia navat vialiki startavy kapitał: pa sutnaści, budaŭnictva finansavali dolščyki, jakija nieśli svaje ci bankaŭskija hrošy jašče na etapie katłavana. 

Takich par na rynku skłałasia niamała. Voś i Vajnoŭski z Šytkoŭskim u 2018 hodzie uhavaryli Łukašenku vydać im niekalki ŭčastkaŭ pad zabudovu ŭ stalicy, a ŭ jakaści płaty za ščodraść pavinny byli pabudavać Łyžny maniež za budynkam Viarchoŭnaha suda na vulicy Arłoŭskaj.

Mierkavałasia, što płošča abjekta składzie 23 tysiačy kvadratnych mietraŭ. Unutry budzie kruhły hod padtrymlivacca minusavaja tempieratura, kab zabiaśpiečyć rabotu łyžnaj trasy na niekalkich uzroŭniach, spuski dla snaŭbordaŭ, koŭzanki i hetak dalej. 

Pavialičyć

Jak možna mierkavać, dazvoł na pačatak budaŭnictva žyllovych kompleksaŭ pa staličnaj vulicy Čyhunačnaj byŭ naŭprost źviazany z pačatkam budaŭnictva manieža, ale hetaha nie zdaryłasia: placoŭku za Viarchoŭnym sudom tolki abnieśli płotam, padahnali paru ekskavataraŭ i dla vyhladu vyryli trochu jam. Ale nie bolš za toje.

Finansavać budaŭnictva kompleksu biźniesmieny źbiralisia, vidavočna, u bolšaj stupieni z hrošaj dolščykaŭ — pry canie na kvadratny mietr u Minsku ad $900 (na etapie katłavana) u 2019-m, tych 115 tysiač kvadratnych mietraŭ, jakija zadumali pabudavać Šytkoŭski z Vajnoŭskim, chapiła b na niekalki łyžnych maniežaŭ. Ale pa vidavočnych sacyjalna-palityčnych pryčynach na momant, kali była hatovaja dakumientacyja, praviarnuć schiemu tak, jak jana pracavała da 2020‑ha, nie atrymałasia.

Uźnikła patavaja situacyja, jakaja raźviazałasia tak: u 2024-m učastak za Viarchoŭnym sudom zabrali ŭłady. Učastak pad zabudovu pa Čyhunačnaj, na miescy źniesienaha zavodu «Santechdetal», jak možna mierkavać, taksama adabrany — zamiest anansavanaha ŽK «Biełyja Sady» tam źjavicca inšy, «Kazachstanski kvartał», jaki buduje inšy zabudoŭščyk, a kvatery prapanujuć čym, chto ŭ čarzie. 

Taksama Siarhiej Šytkoŭski źnik z rostara zbornaj Łukašenki pa chakiei. 

• 2
• 0
• 15
• 2
• 0
• 1
• 0
• 0