Zialenski: Ciapier u nas jość ATACMS. My ŭsio heta budziem vykarystoŭvać
Prezident Ukrainy paćvierdziŭ, što ZŠA dazvolili bić pa Rasii dalnabojnaj zbrojaj.
Uładzimir Zialenski na pres-kanfierencyi z premjeram Danii Miete Fredryksen zajaviŭ, što Ukraina budzie vykarystoŭvać dalnabojnyja mahčymaści zachodniaj zbroi.
Pry hetym jon nie staŭ kamientavać udar pa składzie ŭ Branskaj vobłaści, piša «Ukrainskaja praŭda».
«Bieź lišnich detalaŭ. U Ukrainy jość dalnabojnyja mahčymaści, jość dalnabojnyja drony ŭłasnaj vytvorčaści, u nas ciapier jość dalnabojny «Niaptun», i nie adzin. Ciapier u nas jość ATACMS. My ŭsio heta budziem vykarystoŭvać», — adznačyŭ Zialenski.
Jon nie rastłumačyŭ, ci jość abmiežavańni na prymianieńnie dalnabojnaj zbroi. Adnak dadaŭ, što Ukraina budzie dabivacca dazvołaŭ i ad inšych krain.
«Što tyčycca dalnabojnaści — my pracujem nad tym, kab usie krainy padtrymali dalnabojnaść. Ja dumaju, što paśla zajavaŭ ab jadziernaj zbroi i Niamieččynie ŭžo čas padtrymać adpaviednyja rašeńni. A ciapier, kali jość adpaviednyja rašeńni i nie tolki ŭ miedyja, ale i ad adpaviednych krain, vielmi važna, kab da hetych rašeńniaŭ dadać kolkaść mahčymaściaŭ, jakimi my možam źmienšyć vajenny patencyjał RF, dzie b jon ni znachodziŭsia», — skazaŭ Zialenski.
«Heta kardynalna mianiaje ŭvieś raskład u viadzieńni bajavych dziejańniaŭ». Što Z-błohiery dumajuć pra ŭdary ATACMS pa Rasii?
Pazicyja Šolca pa pastaŭkach Ukrainie dalnabojnych rakiet Taurus zastajecca niaźmiennaj
Stała viadoma, na jakuju dalokaść ZŠA dazvolili ŭkraincam stralać amierykanskimi snaradami pa Rasii
Kiepski mir ci zaciažnaja vajna. Jak Ukraina rychtujecca da taho, što Tramp pasprabuje adrazu pasadzić jaje za stoł pieramovaŭ
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary