Зяленскі: Цяпер у нас ёсць ATACMS. Мы ўсё гэта будзем выкарыстоўваць
Прэзідэнт Украіны пацвердзіў, што ЗША дазволілі біць па Расіі дальнабойнай зброяй.
Уладзімір Зяленскі на прэс-канферэнцыі з прэм'ерам Даніі Метэ Фрэдрыксэн заявіў, што Украіна будзе выкарыстоўваць дальнабойныя магчымасці заходняй зброі.
Пры гэтым ён не стаў каментаваць удар па складзе ў Бранскай вобласці, піша «Украінская праўда».
«Без лішніх дэталяў. У Украіны ёсць дальнабойныя магчымасці, ёсць дальнабойныя дроны ўласнай вытворчасці, у нас цяпер ёсць дальнабойны «Няптун», і не адзін. Цяпер у нас ёсць ATACMS. Мы ўсё гэта будзем выкарыстоўваць», — адзначыў Зяленскі.
Ён не растлумачыў, ці ёсць абмежаванні на прымяненне дальнабойнай зброі. Аднак дадаў, што Украіна будзе дабівацца дазволаў і ад іншых краін.
«Што тычыцца дальнабойнасці — мы працуем над тым, каб усе краіны падтрымалі дальнабойнасць. Я думаю, што пасля заяваў аб ядзернай зброі і Нямеччыне ўжо час падтрымаць адпаведныя рашэнні. А цяпер, калі ёсць адпаведныя рашэнні і не толькі ў медыя, але і ад адпаведных краін, вельмі важна, каб да гэтых рашэнняў дадаць колькасць магчымасцяў, якімі мы можам зменшыць ваенны патэнцыял РФ, дзе б ён ні знаходзіўся», — сказаў Зяленскі.
«Гэта кардынальна мяняе ўвесь расклад у вядзенні баявых дзеянняў». Што Z-блогеры думаюць пра ўдары ATACMS па Расіі?
Пазіцыя Шольца па пастаўках Украіне дальнабойных ракет Taurus застаецца нязменнай
Стала вядома, на якую далёкасць ЗША дазволілі ўкраінцам страляць амерыканскімі снарадамі па Расіі
Кепскі мір ці зацяжная вайна. Як Украіна рыхтуецца да таго, што Трамп паспрабуе адразу пасадзіць яе за стол перамоваў
Каментары