Pazicyja Šolca pa pastaŭkach Ukrainie dalnabojnych rakiet Taurus zastajecca niaźmiennaj
Debaty ab pastaŭkach rakietnaj sistemy Taurus Ukrainie razharelisia ŭ Hiermanii z novaj siłaj: kiraŭniki partyj CHDS/CHSS, SvDP i «Zialonych» patrabujuć jak maha chutčej uchvalić pastaŭki.
Abmierkavańnie čarhovy raz adnaviłasia paśla taho, jak prezident ZŠA Džo Bajden dazvoliŭ Ukrainie vykarystoŭvać rakiety ATACMS dla ŭdaraŭ pa hłybini rasijskaj terytoryi.
Pazicyja kanclera Hiermanii zastajecca «niaźmiennaj», zajaviŭ namieśnik aficyjnaha pradstaŭnika ŭrada FRH Volfhanh Biuchnier. Ź jahonych słoŭ, Ołaf Šolc «vyrazna vyznačyŭsia» ŭ hetym pytańni i skazaŭ, što «nie źmienić svaju pazicyju», piša Bild.
Takim čynam, Šolc idzie nasupierak mierkavańniu najbujniejšaj apazicyjnaj partyi CHDS/CHSS, SvDP, jakaja vyjšła z kirujučaj kaalicyi, i navat svajho kaalicyjnaha partniora — partyi «Zialonyja».
Kandydat u kanclery ad Partyi «Zialonyja» Robiert Chabiek zajaviŭ, što, budučy kiraŭnikom urada, jon by nieadkładna adpraviŭ Ukrainie kryłatyja rakiety Taurus. Ministr zamiežnych spraŭ FRH Analena Bierbak, siabra partyi «Zialonyja» adznačyła, što havorka idzie pra toje, kab «ukraincy nie čakali, pakul rakieta pierasiače miažu, a zmahli źniščyć vajskovyja bazy zapusku <…> zahadzia».
Lidar CHDS Frydrych Mierc taksama daŭno vystupaje za pastaŭki Taurus Ukrainie.
Kiraŭnik SvDP Kryścijan Lindner užo doŭhi čas padtrymlivaje pieradaču Taurus. Kiraŭnik frakcyi SvDP u Bundestahu Kryścijan Dziur navat prapanavaŭ pravieści paŭtornaje hałasavańnie pa pytańni Taurus u parłamiencie da daterminovych vybaraŭ u Bundestah. Jaho nadzieja ŭ tym, što da taho času «Sajuz», «Zialonyja» i SvDP zmohuć sfarmavać bolšaść i pieraadoleć «vieta» Šolca pa pytańni rakiet.
Jość adzin važny niuans: navat kali Bundestah daść zialonaje śviatło na pastaŭki Taurus, heta rašeńnie nie budzie abaviazkovym da vykanańnia.
Rašeńnie ab pastaŭkach asobnych vidaŭ uzbrajeńniaŭ prymaje nie parłamient, a Fiederalnaja rada biaśpieki. A heta značyć, što apošniaje słova zastajecca za Šolcam, jaki ŭznačalvaje hety orhan.
-
Rasija znoŭ udaryła pa enierhietycy Ukrainy: u Charkavie i Kijevie adklučajuć aciapleńnie ŭ 20‑hradusny maroz
-
Piaskoŭ: Pieramovy Pucina ź Zialenskim mahčymyja tolki ŭ Maskvie
-
Minenierha Ukrainy zajaviła, što Rasija adnaviła ŭdary pa infrastruktury. Zialenski kaža, što metanakiravanych udaraŭ nie było
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB31
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary