Viadomaja śpiavačka vyjhrała prava karystacca svaim imiem u Aŭstralii
Keci Pery (Katy Perry) paśpiachova asprečyła ŭ sudzie rašeńnie pra handlovuju marku, źviazanuju ź jaje imiem, paviedamlaje Bi-bi-si.
Heta adbyłosia paśla taho, jak u sud padała aŭstralijskaja dyzajnierka Keci Tejłar, jakaja maje ad naradžeńnia imia Keci Pery (Katie Perry) i pad hetym imiem pradaje adzieńnie. Śpiavačka Keci Pery mieła ad naradžeńnia imia Ketryn Elizabet Hadsan.
Troje sudździaŭ apielacyjnaha suda admianili rašeńnie suda minułaha hoda, jaki padtrymlivaŭ Keci Tejłar u spravie ab mierčy, jaki pradavała śpiavačka padčas svajho turu pa Aŭstralii ŭ 2014 hodzie. Sudździ adznačyli, što Pery vykarystoŭvała svajo imia jak handlovuju marku za piać hadoŭ da taho, jak Tejłar pačała svoj biznes, dadaŭšy, što na toj čas Pery ŭžo mieła «mižnarodnuju reputacyju» ŭ industryi zabaŭ.
Sudździ taksama admianili rehistracyju handlovaj marki Tejłar. Tejłar paraŭnała svaju sudovuju bitvu z Pery z historyjaj «Davida i Halijafa». U kamientary dla Sydney Morning Herald dyzajnierka skazała, što «spustošanaja» vynikam spravy.
Sudździ apielacyjnaha suda adznačyli, što vielmi prykra, što ŭ hetaj spravie sutyknulisia dźvie žančyny, jakija vykarystoŭvali svaje imiony jak handlovyja marki, nie padazrajučy pra isnavańnie adna adnoj. «Abiedźvie žančyny ŭkłali kroŭ, pot i ślozy ŭ raźvićcio svaich biznesaŭ», — skazali sudździ. «Kali słava adnoj ź ich vyrasła na mižnarodnym uzroŭni, druhaja daviedałasia pra svaju ciozku i padavała zajaŭku na rehistracyju handlovaj marki», — dadali jany.
Sudździa, jakaja minułaha hoda pryniała rašeńnie na karyść Tejłar, u svajoj pastanovie ŭzhadała adzin z najbolšych chitoŭ Pery: «Heta historyja pra dźviuch žančyn, dźvie padletkavyja mary i adno imia».
Sud pryniaŭ rašeńnie ŭ piatnicu, kali Pery rychtujecca da svajho suśvietnaha turu Lifetimes. Tur adbudziecca ŭ pačatku 2025 hoda ŭ padtrymku jaje alboma 143, jaki stanie viartańniem śpiavački na scenu.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary