Hiendyrektara TikTok vyklikali ŭ Jeŭraparłamient paśla vybaraŭ u Rumynii
Hiendyrektara TikTok vyklikali ŭ Jeŭraparłamient, kab jon adkazaŭ na pytańni pra rolu płatformy ŭ prezidenckich vybarach u Rumynii. Tam u pieršym tury pieramoh papularny tyktokier i ŭltrapravy papulist Kelin Džardžesku, piša Radyjo Svaboda.
Daśledčyki zajavili ab schavanaj aktyŭnaści na tysiačach fejkavych akaŭntaŭ napiaredadni hałasavańnia. Premjer-ministr Rumynii Marčeł Čałaku, jaki taksama ŭdzielničaŭ u prezidenckich vybarach, ale nie prajšoŭ u druhi tur, zajaviŭ, što nieabchodna pravieryć finansavańnie kampanii Džardžesku ŭ TikTok.
U Džardžesku nie było partyjnaj padtrymki, i apytańni nie vyjavili jaho papularnaści — ciapier daśledčyki zasiarodzilisia na bujnoj kampanii ŭ TikTok, jakuju jon vioŭ u dni, jakija papiaredničali vybaram. Daśledčyki śćviardžajuć, što TikTok pavinien byŭ ubačyć «chvalu tysiač fejkavych akaŭntaŭ».
«My zaklikajem hienieralnaha dyrektara TikTok vystupić i harantavać, što jaho płatforma nie parušaje zakon Ab ličbavych pasłuhach», — zajaviła deputat Jeŭraparłamienta Valery Chajer.
TikTok admoviŭsia kamientavać svaju mahčymuju rolu ŭ rumynskich vybarach.
Heta nie pieršy raz, kali TikTok, uładalnikam jakoha źjaŭlajecca kitajskaja kampanija ByteDance, padviarhajecca krytycy ŭ Jeŭrasajuzie. U 2023 hodzie prezident Francyi Emanuel Makron nazvaŭ TikTok «zmanliva niavinnym» i pryčynaj «realnaj zaležnaści» siarod karystalnikaŭ. ES pakul nie nakłaŭ na płatformu nijakich bujnych štrafaŭ abo sankcyj.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ34
Kamientary
Paranienaja hidra nia viedaje na kaho kinucca, spasyłajecca na niejki papiaredni cenzurny zahon, vinavacić ŭsich ŭ parazcy, jakoj jana nie čakała, kali jaje kišennyja sacyjolahi naličyli jaje moc i šmahałovaść.
Ŭžo źjaviŭsia kamentatar, a budzie bieźlič, jaki namenklaturnuju sprobu asudzić i asprečyć vyniki jahonaje ŭlublonaje demakratyi - vybaraŭ, nazyvaje abaronaj demakratyi, i prahnie zabaronaŭ i restrykcyjaŭ. Miećmieš kaštoŭnaść, skaštuješ i najasisia, čaho prosiš