U Tbilisi ŭ noč padčas pratestaŭ 29 listapada zatrymali biełarusa Jaŭhiena Muravickaha, paviedamlaje NewsGeorgia sa spasyłkaj na efir hruzinskaha praŭradavaha telekanała «Imiedzi».
U čym kankretna abvinavačvajuć zatrymanaha, nie ŭdakładniajecca. Viadoma, što Jaŭhienu Muravickamu 25 hadoŭ.
Akramia jaho, zatrymali jašče 9 inšaziemcaŭ — 8 rasijan i adzin hruzin z amierykanskim pašpartam.
Uvouhule padčas razhonu ŭčarašniaj akcyi ŭ Tbilisia zatrymali 107 čałaviek. Palicyjanty vykarystoŭvali ślozatačyvy haz, piarcovy sprej i vadamioty. Udzielniki demanstracyi paviedamlajuć pra fakty źbićcia.
28 listapada premjer-ministr Hruzii Iraklij Kabachidze abviaściŭ, što ŭłady krainy vyrašyli da kanca 2028 hoda nie pačynać pieramovy ab ustupleńni krainy ŭ Jeŭrasajuz i admovilisia ad lubych jeŭrapiejskich biudžetnych hrantaŭ. Paśla hetaha la budynka parłamienta na praśpiekcie Rustavieli ŭ Tbilisi pačaŭsia stychijny mitynh.
Hruzinski premjer abvinavaciŭ jeŭrapiejskich palitykaŭ i «piatuju kałonu» ŭ arhanizacyi pratestaŭ u Tbilisi
U Tbilisi ŭ znak pratestu prypyniŭ pracu restaran, papularny ŭ lidaraŭ «Hruzinskaj mary»
Palicyja znoŭ razahnała mitynh u centry Tbilisi
U Hruzii praciahvajucca pratesty, palicyja prymianiła vadamioty
U Hruzii ŭspychnuli pratesty paśla zajavy ŭrada pra admovu ad jeŭraintehracyi
Kamientary
Našich tam niet