Uładzimir Pucin paabiacaŭ zrabić heta ŭ druhoj pałovie 2025 hoda.
Uładzimir Pucin siońnia prylacieŭ u Minsk dla ŭdziełu ŭ tak zvanym Vyšejšym dziaržaŭnym saviecie Sajuznaj dziaržavy i asobnaj sustrečy z Alaksandram Łukašenkam.
«Ja chaču publična paprasić vas, kab novyja sistemy ŭzbrajeńnia, i pierš za ŭsio «Arešnik», byli raźmieščanyja na terytoryi Biełarusi. Heta supakoiła b niekatoryja rozumy», — skazaŭ Łukašenka padčas sustrečy z Pucinym.
Pucin u adkaz zajaviŭ, što heta, maŭlaŭ, stanie mahčymym u druhoj pałovie nastupnaha hoda, pa miery naroščvańnia vypusku sistemy.
Pavodle jaho słoŭ, «Arešnik» budzie pastupać na ŭzbrajeńnie ŭ rasijskuju i biełaruskuju armii paralelna, a abjekty dla paražeńnia im z terytoryi Biełarusi zmoža vyznačać sam Łukašenka.
Jakraz siońnia ministr zamiežnych spraŭ Maksim Ryžankoŭ zajaviŭ, što Łukašenka nie žartavaŭ, kali kazaŭ, što ŭ Biełarusi jość placoŭki dla zbroi «Arešnik».
«Ja nie dumaju, što heta žart. Naohuł usie słovy Łukašenki treba ŭsprymać vielmi surjozna, navat kali jany ŭ takoj maniery havoracca», — skazaŭ Ryžankoŭ.
Varta adznačyć, što mnohija ekśpierty sumniajucca, što «Arešnik» realna najaŭny ŭ Rasii ŭ niejkaj kolkaści. Hučali dumki, što heta pieradusim pijar-apieracyja, kab zastrašyć Zachad i prymusić jaho admovicca ad padtrymki Ukrainy.
Ryžankoŭ: Łukašenka nie žartavaŭ pra placoŭki dla «Arešnika» ŭ Biełarusi
Łaŭroŭ: Rasija spadziajecca, što sihnał ZŠA pa «Arešniku» byŭ uspryniaty surjozna
«Šuhanuć Bierlin dy inšych jeŭrapiejcaŭ». Pucinski «Arešnik» moža być tolki zrežysiravanym šou
Łukašenka pachvaliŭ «Arešnik» i prapanavaŭ raźmiaścić rakiety ŭ Biełarusi
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary