Zurabišvili admoviłasia pakidać prezidenckuju rezidencyju paśla zakančeńnia terminu paŭnamoctvaŭ
Na siońnia ŭ Hruzii pryznačanyja prezidenckija vybary.
Prezident Hruzii Sałome Zurabišvili zajaviła, što nie pakinie prezidenckuju rezidencyju paśla zakančeńnia terminu jaje paŭnamoctvaŭ 29 śniežnia, piša Newsgeorgia.ge.
«Ja nikudy nie sychodžu. Nikoha pakidać nie źbirajusia. Mianie zaŭsiody pytajuć pra heta. Ja tut i zastanusia tut», — skazała jana padčas svajho telezvarotu ŭ piatnicu.
Jana nazvała «parodyjaj» i «pravakacyjaj» vybary, novaha prezidenta Hruzii, pryznačanyja «Hruzinskaj maraj» na 14 śniežnia.
«Heta budzie mierapryjemstva, jakoje całkam pazbaŭlena lehitymacyi i źjaŭlajecca niekanstytucyjnym, nielehitymnym, paciahnie za saboj ceły šerah niekanstytucyjnych dziejańniaŭ i nie maje patreby ŭ abaviazkam i šyrokim analizie», — zajaviła prezident.
Siońnia prezidenta Hruzii buduć abirać u parłamiencie.
Zurabišvili nie maje namieru składać paŭnamoctvy datul, pakul u krainie nie buduć praviedzienyja novyja parłamienckija vybary i parłamient, jaki sabraŭsia pa ich vynikach, nie abiare jaje pierajemnika.
«Ja vaš pradstaŭnik z zamiežnikami, i heta peŭnaja lehitymacyja. Taksama ja vaš pradstaŭnik unutry krainy. Jak tolki nastupić čas, kali tyja, chto siońnia ličyć, što moža zaniavolić hetaje hramadstva praz represii, zrazumiejuć, što inšaha šlachu, akramia vybaraŭ nie isnuje, ja budu tut, kab sustreć ich i padumać, jak zładzić hetyja vybary tak, kab viarnuć hetaj krainie mir, spraviadlivaść i budučyniu», — kaža prezident.
Vybary novaha prezidenta Hruzii pryznačanyja na siońnia, 14 śniežnia, a inaŭhuracyja — na 29 śniežnia.
Zurabišvili, jak i apazicyja, nie pryznaje vynikaŭ parłamienckich vybaraŭ, jakija prajšli 26 listapada. Parłamient novaha sklikańnia, jaki pavinien abrać novaha prezidenta, jany ličać nielehitymnym.
Zurabišvili była abranaja prezidentam, jak kandydat kiroŭnaj partyi «Hruzinskaja mara», ale potym razyšłasia ŭ pohladach.
«Hruzinskaja mara» płanuje abrać prezidentam svajho prychilnika, byłoha viadomaha futbalista Michaiła Kaviełašvili.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju12
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary