«Zrobim Rasiju znoŭ maleńkaj»: litoŭku źniali z udziełu ŭ čempijanacie, za joj pajšła i ŭsia zbornaja
U Budapiešcie (Vienhryja) prachodzić čempijanat śvietu pa funkcyjanalnym sporcie, u jakim brała ŭdzieł i zbornaja Litvy. U čempijanacie ŭdzielničali taksama spartsmieny z Rasii i Biełarusi, paviedamlaje Delfi.lt.
Takaja pazicyja arhanizataraŭ čempijanatu vyklikała abureńnie ŭ litoŭskaj zbornaj, adna ź litoŭskich spartsmienak pasłała arhanizataram jasny sihnał. Pradstaŭnik litoŭskaj zbornaj Karnelija Dudajcie nadzieła majku z nadpisam «Zrobim Rasiju znoŭ maleńkaj». Majka pryciahnuła ŭvahu arhanizataraŭ, Dudajcie źniali z udziełu ŭ spabornictvach.
«Heta maja pazicyja, a nie zbornaj. Paźniej ja atrymała aficyjny list, u jakim skazana, što kali ja zdymu majku i satru ŭsie fota ŭ hetaj majcy, to mnie dazvolać udzielničać u čempijanacie. Ja admoviłasia, paśla čaho achova vyvieła mianie z areny. Spabornictvy dla mianie skončylisia. Nakolki mnie viadoma, astatnija členy zbornaj vyrašajuć, ci buduć udzielničać u spabornictvach. Bolšaja častka darosłych spartsmienaŭ vyrašyła nie ŭdzielničać u čempijanacie. Pakul situacyja takaja», — skazała LRT Dudajcie.
«Litoŭskaja fiederacyja funkcyjanalnaha sportu vyrašyła nie ŭdzielničać u spabornictvach u Budapiešcie (Vienhryja) z-za staŭleńnia arhanizataraŭ u dačynieńni da palityki «niejtralnaha ściaha». Na čempijanacie spartoŭcam dazvolili demanstravać simvoliku krainy-ahresara — jana była bačnaja padčas žyvoj tranślacyi, była paznačanaja nazva krainy.
Chałatnaść arhanizataraŭ, ihnaravańnie palityki niejtralnaha ściaha idzie nasupierak z našymi kaštoŭnaściami, tamu Litoŭskaja Fiederacyja funkcyjanalnaha sportu rekamiendavała členam zbornaj pakinuć spabornictvy», — skazana ŭ pres-relizie.
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ18
Kamientary