Pamočnik Uładzimira Pucina zajaviŭ, što Adesa była zasnavana Kaciarynaj II i zaŭsiody była rasijskim farpostam u Čornym mory.
Pamočnik Uładzimira Pucina Mikałaj Patrušaŭ pahražaje akupacyjaj Adesy.
Adkazvajučy na pytańnie TASS, ci źbirajecca Rasija pretendavać na ŭkrainskija party ŭ Čornym mory na mirnych pieramovach, Patrušaŭ namiaknuŭ na anieksiju pa schiemie Kryma i Danbasa.
«Naša kraina pavažaje volevyjaŭleńnie naroda. Heta vidać pa dośviedzie ŭvachodžańnia ŭ skład Rasii Kryma, Sievastopala, Danbasa i Navarasii», — zajaviŭ Patrušaŭ.
Pamočnik Pucina vykazaŭ mierkavańnie, što žychary Adesy nibyta nie chočuć padparadkoŭvacca ŭkrainskim uładam, jakija jon nazyvaje «nieanacysckimi».
«Miarkuju, što ŭ Adesy i pieravažnaj bolšaści jaje žycharoŭ niama ničoha ahulnaha z kijeŭskim režymam», — zajaviŭ Patrušaŭ.
Źviarnuŭsia były kiraŭnik FSB i da lubimaha jaho načalnikam histaryčnaha arhumienta. Jon zajaviŭ, što «Adesa była zasnavana rasijskaj impieratrycaj Kaciarynaj II, i bolš za dva stahodździ z dnia zasnavańnia była farpostam Rasii na Čornym mory, zajmała adno ź viadučych miescaŭ u krainie pa kolkaści nasielnictva i ŭzroŭniu ekanamičnaha raźvićcia».
Patrušaŭ taksama ŭspomniŭ pra pažar u Domie prafsajuzaŭ u 2014 hodzie, u jakim jon abvinavaciŭ ukrainskija ŭłady. I paskardziŭsia, što port Adesy «pieratvorany ŭ chab dla pierakidvańnia ŭzbrajeńnia, punkt baziravańnia marskich dyviersantaŭ».
Pavodle danych ukrainskaha kamandavańnia, u pačatku poŭnamaštabnaha ŭvarvańnia rasijanie rychtavali vysadku desanta ŭ Adesie. Adnak ad płanaŭ daviałosia admovicca z-za niaŭdač u Čornym mory. Pry hetym rasijskaja prapahanda pieryjadyčna kaža pra važnaść zachopu horada.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ82
Kamientary