Dačce Siarhieja Dalidoviča dazvolili vystupać na Kubku śvietu pa bijatłonie za kamandu ŭciekačoŭ ź Biełarusi
19-hadovaja Darja Dalidovič vystupiła na junijorskim Kubku śvietu na bijatłonie bieź ściaha z paznakaj Belarus Refugee Team (kamanda ŭciekačoŭ ź Biełarusi).
Jana ŭ indyvidualnaj honcy zaniała 53-je vynikovaje miesca sa 115 mahčymych, adznačaje Sport-Ekspriess.
Darja — dačka ŭdzielnika siami Alimpijad u składzie zbornaj Biełarusi pa łyžnych honkach Siarhieja Dalidoviča. Čatyry hady tamu hety spartoviec padtrymaŭ pratesty, vystupiŭ za sumlennyja vybary, a ŭ 2022-m razam z dačkoj emihravaŭ u Polšču.
Dva hady tamu Siarhiej raskazvaŭ pra dačku: «Na nas vyjšła Justyna Kavalčyk, viadomaja polskaja łyžnica, alimpijskaja čempijonka, jakuju ja viedaŭ bolš za dziesiać hadoŭ. Ciapier jana pracuje spartovym dyrektaram polskaj fiederacyi bijatłona. Justyna pračytała artykuły pra nas u polskich miedyja i źviazałasia z nami. Nie toje kab, nas pryniali biaspłatna, chutčej, dapamahli z žytłom, z afarmleńniem dakumientaŭ i ŭładkavańniem u škołu. Pakul što Darja trenirujecca, i ŭ budučym, ja dumaju, budzie vystupać za Polšču. Nadumanaja dyskvalifikacyja, jak u biełaruskim łyžnym sporcie, tut naŭrad ci mahčymaja».
Nahadajem, što paśla ŭvarvańnia Rasii va Ukrainu z vykarystańniem terytoryi Biełarusi biełaruskija i rasijskija spartoŭcy adchilenyja ad mižnarodnych spabornictvaŭ i nie biaruć udziełu ŭ etapach Kubku śvietu i čempijanatach śvietu, a ŭdzielničajuć u Kubku Rasii.
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka5
Kamientary