Premjer-ministr Kanady Mark Karni zrabiŭ pieršuju zajavu paśla pieramohi svajoj Libieralnaj partyi na parłamienckich vybarach. Karni skazaŭ, što bližejšyja miesiacy buduć ciažkimi i zapatrabujuć achviar.
Paśla pieramohi Libieralnaj partyi na fiederalnych vybarach premjer-ministr Kanady Mark Karni zrabiŭ hučnuju zajavu pra kaniec tradycyjnych adnosin sa Złučanymi Štatami. U svajoj pieramožnaj pramovie jon padkreśliŭ, što era hłybokaj ekanamičnaj i abaronnaj intehracyi pamiž dźviuma krainami zaviaršyłasia.
«Sistema hłabalnaha handlu, jakaja była zasnavana na ZŠA i na jakuju Kanada raźličvała z časoŭ Druhoj suśvietnaj vajny, skončyłasia. Našy staryja adnosiny sa Złučanymi Štatami, zasnavanyja na pastajannym pahłybleńni ekanamičnaj intehracyi i ciesnym supracoŭnictvie ŭ śfierach biaśpieki i abarony, skončylisia», — zajaviŭ Karni.
Hetyja vykazvańni prahučali na fonie abvastreńnia adnosin pamiž Kanadaj i ZŠA, vyklikanaha pahrozami prezidenta Donalda Trampa ŭvieści vysokija taryfy na kanadskija aŭtamabili i navat anieksavać Kanadu jak 51-y štat.
Karni padkreśliŭ, što hetyja dziejańni ZŠA źjaŭlajucca sprobaj padarvać kanadski suvierenitet.
«Prezident Tramp sprabuje złamać nas, kab ZŠA mahli nas pahłynuć. Ale hetaha nikoli nie adbudziecca», — skazaŭ Karni.
U adkaz na amierykanskija taryfy Kanada ŭviała ŭłasnyja kontrtaryfy i abviaściła pra namier skaracić zaležnaść ad amierykanskaha rynku, pieraaryjentujučysia na supracoŭnictva ź Jeŭropaj i Azijaj. Karni taksama paabiacaŭ vykarystać usie srodki, atrymanyja ad kontrtaryfaŭ, dla padtrymki kanadskich pracoŭnych.
«My pavinny kardynalna pieraasensavać našu ekanomiku i zabiaśpiečyć, kab Kanada mahła dasiahnuć pośpiechu ŭ kardynalna inšym śviecie», — adznačyŭ premjer-ministr.
Karni nazvaŭ ciapierašniuju situacyju «trahiedyjaj», ale dadaŭ, što «heta naša novaja realnaść». Jon skazaŭ, što bližejšyja miesiacy buduć ciažkimi i zapatrabujuć achviar.
Pieramoha Libieralnaj partyi na vybarach stała mahčymaj dziakujučy rostu nacyjanalizmu siarod kanadcaŭ, vyklikanamu ahresiŭnymi dziejańniami ZŠA. Karni, jaki raniej uznačalvaŭ Banki Kanady i Anhlii, byŭ uspryniaty jak lidar, zdolny supraćstajać źniešnim pahrozam i abaraniać nacyjanalnyja intaresy.
«My pavinny budavać našu moc tut, u Kanadzie. Heta zapatrabuje ciažkaj pracy, ale my majem usie nieabchodnyja resursy i patencyjał dla hetaha», — zajaviŭ Karni.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary