Uzarvali hałoŭnaha raspracoŭščyka rasijskich sistem radyjoelektronnaj baraćby «Krasucha»
Zahinuŭ kiraŭnik kanstruktarskaha biuro Branskaha elektramiechaničnaha zavoda i klučavy raspracoŭščyk sistem REB «Krasucha» Jaŭhien Rytnikaŭ.
Jaho aŭtamabil uzarvali z dapamohaj samarobnaj vybuchovaj pryłady niedaloka ad miažy z Ukrainaj. Rytnikaŭ zahinuŭ u noč z 17 na 18 krasavika, piša Mash.
Vybuchovaja pryłada pad dniščam aŭto spracavała ŭ toj momant, kali mužčyna razam sa svaim kaleham siadaŭ u sałon.
Papiarednie, vybuchovaje prystasavańnie było našpihavana paražalnymi elemientami, tamu Rytnikaŭ i jahony kaleha zahinuli na miescy.
Kompleks radyjoelektronnaji baraćby «Krasucha» dazvalaje ŭździejničać na bartavyja sistemy avijacyi praciŭnika, parušajučy ich bačnaść, nie daje mahčymaści nanosić prycelnyja ŭdary avijacyi, vieści raźviedku miescaznachodžańnia svaich vojskaŭ i ździajśniać dyviersijnyja manieŭry na nizkaj vyšyni.
Asnoŭnaje pryznačeńnie «Krasuchi» — prykryćcio kamandnych punktaŭ, vojskaŭ, srodkaŭ supraćpavietranaj abarony ad pavietranaj raźviedki i vysokadakładnych srodkaŭ paražeńnia.
REB ščylna ŭzajemadziejničaje ź sistemami supraćpavietranaj abarony — jany vyjaŭlajuć, padaŭlajuć elektroniku i pieradajuć kaardynaty supraćpavietranaj abaronie, jakija ŭžo źniščajuć abjekt.
Hetyja sistemy aktyŭna vykarystoŭvajucca rasijskaj armijaj va Ukrainie.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro13
Kamientary