Amierykanski miljarder, kiraŭnik kampanij Tesla i SpaceX Iłan Mask zrabiŭ zajavu z nahody vybaraŭ u niamiecki Bundestah, jakija majuć adbycca nieŭzabavie, piša Bild.
«Tolki AdH moža vyratavać Hiermaniju», — napisaŭ Mask u sacyjalnaj sietcy X, jakaja naležyć jamu samomu. Heta byŭ podpis da repostu videa prychilnicy «Alternatyvy dla Hiermanii» Naomi Zajbt, jakaja krytykavała palityku kandydata ŭ kanclery ad CHDS Frydrycha Mierca.
U pryvatnaści, Zajbt śćviardžaje, što «mejnstrym-miedyja» ŭžo abviaścili Mierca kancleram, ihnarujučy isnavańnie «Alternatyvy dla Hiermanii». Akramia taho, jana rezka vykazałasia pra lidaraŭ «zialonych», nazvaŭšy ich kurs «ekasacyjalistyčnym nacyjanalnym samahubstvam».
Kandydat ad AdH na pasadu kanclera Alisa Vajdel apieratyŭna adreahavała na post Maska. Pavodle jaje słoŭ, Mask «dakładna bačyć, što adbyvajecca ŭ Hiermanii».
Jana taksama dadała spasyłku na svajo intervju dla Bloomberg, u jakim raskazvaje pra «saviecki Jeŭrapiejski Sajuz» i śćviardžaje, što «sacyjalistka Mierkiel razburyła našu krainu».
Iłan Mask užo nie pieršy raz kamientuje ŭnutrypalityčnyja pytańni ŭ Hiermanii. Tak, u vieraśni 2023 hoda jon raskrytykavaŭ pracu «śvietłafornaj kaalicyi», zajaviŭšy, što ŭrad dziejničaje «nasupierak voli naroda». A paśla krachu ŭradavaj kaalicyi ŭ listapadzie hetaha hoda Mask nazvaŭ kanclera Ołafa Šolca i ministra ekanomiki Robierta Chabieka «durniami».
Mask pieršym u historyi dasiahnuŭ bahaćcia zvyš 400 miljardaŭ dalaraŭ
Iłan Mask viarnuŭ status najbahaciejšaha čałavieka ŭ śviecie, pabiŭšy ŭłasny rekord
Mask i Ramasvami raskazali, jak buduć skaračać vydatki. Voś čamu heta moža mocna paŭpłyvać i na Biełaruś
«Pajšoŭ ty!» Pieršaja łedzi Brazilii abłajała Iłana Maska — toj adkazaŭ
Iłan Mask moh vieści sakretnyja razmovy z Uładzimiram Pucinym
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž23
Kamientary