Biełarusy adkazali, jaki padarunak ad pracadaŭcaŭ ich najbolš by paradavaŭ
Napiaredadni navahodnich śviataŭ sajt rabota.by pravioŭ apytańnie supracoŭnikaŭ biełaruskich kampanij, kab vyśvietlić, jakija padarunki jany čakajuć ad pracadaŭcaŭ i ci chočuć adznačać Novy hod z kalehami.
Jak vyjaviłasia, bolšaść apytanych (82,9%) chacieli b atrymać ad najmalnika hrašovuju premiju da Novaha hoda.
Prykładna čverć raźličvaje na niejkija dychtoŭnyja i karysnyja padarunki, a kožny piaty — na siertyfikaty ŭ spa, fitnes, zabavy.
Mienš za 15% chacieli b atrymać sałodkija padarunki dla svaich dziaciej.
Samyja niepapularnyja varyjanty — brendavanyja suvieniry ad kampanii (mienš za 10%) i cukierki, sadavina, šampanskaje (usiaho tolki 5,9%).
Cikava, što bolš za tracinu apytanych nie pojduć na navahodni karparatyŭ. Samym papularnym tłumačeńniem hetaha stała žadańnie pravieści čas ź siamjoj (42% apytanych) i niežadańnie tracić na karparatyŭ hrošy (35, 9%).
Na dumku ŭdzielnikaŭ apytańnia, samaje važnaje na karparatyvie — heta mahčymaść pahutaryć z kalehami ŭ niepracoŭnaj atmaśfiery, smačnaja ježa i napoi, a taksama cikavaja prahrama.
U apytańni ŭziali ŭdzieł 1692 supracoŭniki roznych kampanij.
«Tolki elemienty słavianskaha pachodžańnia». U Breście taksama zabaranili Santa-Kłausa, sani, aleniaŭ i papularnyja chity
U Minsku pačaŭ pracavać hałoŭny kaladny kirmaš
Śmiešny vypadak u «Minsk-Śviet»: niejki maładzion ściahnuŭ kaladny vianok, ale raźličyŭsia za heta 10 rublami
Hamialčanka kupiła jalinku z žyvym «padarunkam». Ciapier nie viedaje, čym karmić
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary