Paškodžańni kabielaŭ praciahvajucca. Na hety raz adzin ź ich abarvany pamiž Estonijaj i Finlandyjaj
Jak i ŭ papiarednich vypadkach, pravaachoŭnyja orhany padazrajuć dyviersiju. U momant paškodžańnia nad kabielem prapłyvała sudna pad ściaham Hankonha.
Dniom 25 śniežnia ekstranna spyniłasia padača elektraenierhii pa kabieli Estlink 2, jaki złučaje Finlandyju i Estoniju, pieradaje finskaje vydańnie Yle. Finskaja sietkavaja kampanija Fingrid paviedamiła, što kabiel byŭ razarvany.
U kampanii nie vyklučyli viersiju z sabatažam, ale padkreślili, što pryčyny zdareńnia jašče treba vyśvietlić. Adznačajecca, što ŭ miescy, dzie adbyŭsia razryŭ, było zaŭvažana sudna Xin Xin Tiang 2, jakoje chodzić pad ściaham Hankonha. U momant paškodžańnia kabiela sudna ruchałasia z Sankt-Pieciarburha ŭ Port-Said, Jehipiet.
Finlandyja i Estonija sumiesna vałodajuć enierhakabielami Estlink 2 i Estlink 1. Daŭžynia Estlink 2 składaje kala 170 km, 145 km ź jakich pralahajuć pa marskim dnie Finskaha zaliva.
Mahutnaść Estlink 2 dasiahaje 650 miehavat. Mahutnaść inšaj linii elektrapieradačy pamiž Estonijaj i Finlandyjaj, Estlink 1, składaje 350 MVt.
Nahadajem, što ŭ pačatku śniežnia byŭ razarvany ŭ dvuch miescach kabiel suviazi, što pralahaje pa dnie Bałtyjskaha mora i źviazvaje Šviecyju i Finlandyju. Raniej, 18 listapada, byli abarvanyja dva padvodnyja interniet-kabieli, jakija złučajuć Finlandyju i Hiermaniju, a taksama Šviecyju i Litvu. U momant abryvu ŭ hetym rajonie mora znachodziłasia kitajskaje sudna Yi Peng 3, kapitanam jakoha byŭ hramadzianin Rasii. Ekipaž sudna padazrajuć u akcie sabatažu.
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka11
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
A 3 Suśvietnaja vajna ŭžo pačynajecca. Krok pa kroku.
I čym bolš paturaješ ahresaru ("baišsia eskałacyi"), tym bolšaja i bolšaja eskałacyja kanfliktu z ŭciahvańniem ŭ kanflikt ŭsio bolšaj kolkaści dziaržaŭ.
to, čto proizošło poślednije 10 let užie raz 10 dostatočno, čtoby oficialno objaviť etu hovno-stranu - stranoj-tierroristom so vsiemi vytiekajuŝimi.
Čto jeŝie eti urody dołžny sdiełať, čtoby u normalnoho mira na eto chvatiło chrabrosti?