Mytny kamitet: Polski bok afarmlaje ŭ hadzinu adzin-dva aŭtobusy
Situacyja ź lehkavymi transpartnymi srodkami składanaja — čakańnie vyjezdu ŭ Polšču ciahniecca pa niekalki sutak. Za apošnija 24 hadziny ŭ Polšču prajšli tolki 30% lehkavych aŭtamabilaŭ ad mahčymych 1,7 tysiač, paviedamlaje biełaruski Mytny kamitet.
Pry mahčymaściach pryniać 175 aŭtobusaŭ, jakija vyjazdžajuć ź Biełarusi, za apošnija sutki polski bok aformiŭ tolki 40%. Na dadzieny momant u čarzie znachodzicca 46 takich transpartnych srodkaŭ. U siarednim u hadzinu sumiežny bok prymaje 1-2 aŭtobusy.
Zaraz, pa stanie na 12:00, čarha na vyjezd ź Biełarusi dasiahaje 2335 lehkavych aŭto i 46 aŭtobusaŭ
«Biełaruski bok prymaje ŭsie miery pa raźmiaščeńni transpartnych srodkaŭ, jakija čakajuć vyjezdu, na terytoryi punkta propusku. U kiroŭcaŭ lehkavych aŭto jość mahčymaść zarehistravacca ŭ elektronnaj čarzie i paśla prybyć na mytnuju miažu da patrebnaha času, — prakamientavali ŭ mytnym kamitecie. — Rejsavyja aŭtobusy, jakija čakajuć vyjezdu ŭ žyvoj čarzie, raźmiarkoŭvajucca pa stajanačnych miescach punkta propusku, u tym liku dla taho, kab stvaryć mahčymaść dla manieŭraŭ lehkavych aŭtamabilaŭ».
Tym chto płanuje vyjezd u Polšču praz punkt propusku «Brest» rekamiendujecca być hatovymi da składanych abstavin pierasiačeńnia miažy i vykonvać usie miery biaśpieki pierad ujezdam u punkt propusku.
Kamientary
Va ŭsim vinavaty režym Łukašenki.
Tym nie mienš naležyć padkreślivać što ŭ vausim što adbyvajecca na miažy vinavaty režym Łukašenki.
Na vialiki žal pa siońniašni dzień u infarmacyjnaj i navat navukovaj i ekśpiertnaj prastory na Zachadzie režym Łukašenki nie padzialajuć ad biełaruskaha narodu. Tam navat nie viedajuć nakolki hety režym antybiełaruski i antyčałaviečy.