U čatyroch polskich haradach adbudziecca sinchronny fiestyval salidarnaści i kultury Belarus Outside Sound System
26 studzienia ŭ Varšavie, Krakavie, Poznani i Hdańsku projdzie fiestyval Belarus Outside Sound System, jaki abjadnaje ŭdzielnikaŭ vakoł kaštoŭnaściej svabody i salidarnaści praz muzyku i mastactva. Chedłajnierami festu ŭ roznych haradach stanuć biełaruskija prajekty SOYUZ i Yegor Zabelov, SHUMA i Anastasia Rydlevskaya, WTBSK i Mustelide, Raźbitaje Serca Pacana i Pukst, a da jaho arhanizacyi dałučacca šmatlikija łakalnyja supolnaści z art-markietami, vystavami i majstar-kłasami, piša Reform.news.
Heta ŭžo vośmaja akcyja kulturnaha ruchu Belarus Outside Sound System (BOSS). Inicyjatyva padtrymlivaje biełaruskich tvorcaŭ u emihracyi i pryciahvaje ŭvahu mižnarodnaj supolnaści da situacyi ŭ Biełarusi praź miakkuju siłu mastactva i tvorčaści.
«Na minułyja fiestyvali ŭ Varšavie i Vilni možna było trapić za achviaravańnie na karyść biełaruskich palityčnych źniavolenych, — raspaviadajuć lidary ruchu BOSS Alaksandar Bahdanaŭ i Sara Tokina. — Hetym razam my dapamahajem tym, chto abiraŭ svabodu i apynuŭsia ŭ emihracyi, biaśpiečna sabracca razam, padtrymać i natchnić adno adnaho i adčuć siabie častkaj adzinaha sinchronnaha dźvižu, navat u roznych haradach. Tamu ŭvachod budzie volny na ŭsich placoŭkach. Usie hetyja hady my nazirajem, jak tysiačy biełarusaŭ za miežami Radzimy praciahvajuć jadnacca vakoł svajoj muzyki i kultury ahułam, bo heta mienavita toje, čym my ŭsie sapraŭdy zachaplajemsia i hanarymsia».
Takim čynam kožnaja padzieja, pa słovach arhanizataraŭ, stanovicca jašče i svojeasablivym šoŭ-kiejsam aktualnaj biełaruskaj muzyki i mastactva. Dla šmatlikich tvorcaŭ u vyhnańni heta šaniec pavialičyć svaju aŭdytoryju, sustrecca z novymi słuchačami i hledačami, naviedać harady, dzie jany jašče nie vystupali, i zastavacca ŭ biełaruskim kulturnym asiarodździ.
Prahrama padziej:
Kamientary