Paśla admieny sankcyj «Biełavija» stroić płany na paloty ŭ ZŠA
Paśla taho, jak vosieńniu ZŠA admianili sankcyi suprać biełaruskaj avijakampanii Belavia, jana pačała bolš aktyŭna raźvivać sietku svaich maršrutaŭ. U suviazi z hetym uźnikła pytańnie, ci mahčymyja ŭ budučyni paloty ŭ Złučanyja Štaty, piša Office Life.
Namieśnik hienieralnaha dyrektara Belavia pa markietynhu Uładzimir Barkun paviedamiŭ, što ŭ 2026 hodzie rejsaŭ u ZŠA pakul čakać nie varta. Adnak jon padkreśliŭ, što praca ŭ hetym kirunku viadziecca, a ŭ jakaści najbolš pierśpiektyŭnaha napramku razhladajecca Ńju-Jork.
U vieraśni stała viadoma pra źniaćcie sankcyj z Belavia za vyzvaleńnie Łukašenkam z kałonij 52 palitviaźniaŭ, a ŭ listapadzie Vašynhton aficyjna vyklučyŭ avijakampaniju z sankcyjnaha śpisa. Ministr transpartu i kamunikacyj Ihar Hołub tłumačyŭ, što heta pierš za ŭsio dazvoliła vyrašać pytańni, źviazanyja z absłuhoŭvańniem samalotaŭ, finansavymi raźlikami, a taksama adkryła mahčymaści dla zapusku novych kirunkaŭ i padpisańnia miždziaržaŭnych damoŭ ab pavietranych znosinach.
Apošnim časam u Belavia źjavilisia try dalokamahistralnyja samaloty. Dva ź ich užo ekspłuatujucca, što dazvoliła adkryć rejsy na Chajnań, u Vjetnam i na Šry-Łanku. Treci samalot płanujuć uvieści ŭ stroj da lutaha, a ŭ pačatku 2026 hoda kampanija źbirajecca pačać paloty ŭ Tajłand.
Łaŭroŭ nazvaŭ admienu sankcyj suprać «Biełavija» «krucielskaj historyjaj»
«Biełavija» padklučyłasia da rasijskaj sistemy avijacyjnaj suviazi
«Biełavija» da leta nabudzie niekalki samalotaŭ
«Biełavija» praviała pieršy za amal čatyry hady rejs u Ałmaty. Heta stała mahčymym paśla źniaćcia amierykanskich sankcyj
U ZŠA zakłapočanyja, kab paśla źniaćcia sankcyj z «Biełavija» detali dla «Boinhaŭ» nie traplali ŭ Rasiju
Kamientary