U novym vypusku TOKu palityk Pavieł Łatuška vykazaŭ svajo bačańnie mahčymych źmien u krainie da 2030 hoda.
«Łukašenka maje zaraz dva hałoŭnyja vykliki. Pieršy — demahrafija. (…) Druhi — adtok kapitału. (…) Heta dźvie prablemy, jakija vielmi mocna turbujuć Łukašenku. Kab vyjści z hetaj situacyi, jamu nieabchodna mianiać palityku», — adznačaje Łatuška i prahnazuje źmieny va ŭnutranaj palitycy:
«Pieršaje — vyzvaleńnie častki palitźniavolenych. Jano adbyvajecca. Ale nie adbyvajecca hałoŭnaje — spynieńnie represij. (…)
Nastupnaje, što jon zrobić, — chutčej za ŭsio, jany mohuć spynić zavodzić kryminalnyja spravy. Mohuć być administracyjnyja spravy, štrafy, moža, niejkija sutki. Ale ludziej značna mienš buduć sadžać u turmy».
Adnosna mahčymaści tranzitu ŭłady Łatuška zaŭvažaje, što heta moža adbycca tolki ŭ situacyi, kali ŭ Łukašenki pahoršycca zdaroŭje.
Kali razhladać źniešniuju palityku, to, na pohlad Łatuški, Łukašenka budzie staracca vybudavać dadatkovy centr apory.
«U jaho budzie zastavacca pryjarytetam Kitaj. Jon budzie sa skury leźci, kab z Kitaja atrymać bolš dyvidendaŭ, atrymać bolš inviestycyj, kredytnych resursaŭ, kab pasprabavać zbałansavacca z Rasijaj.
Što dazachodniaj palityki, jon budzie sprabavać pradać dziejańni, źviazanyja z vyzvaleńniem palitźniavolenych i pamianšeńniem represij u krainie, ci, moža, padychodu da represij».
Łatuška padkreślivaje, što na jaho pohlad, Łukašenka nie vyzvalić usich palitźniavolenych, nie adnović dziejnaść apazicyjnych partyj, niezaležnych ŚMI i pazaŭradavych arhanizacyj, nie viernie kanfiskavanuju ŭ ludziej majomaść i nie pakaraje tych, chto čyniŭ represii suprać biełarusaŭ.
«Šmat takoha zroblena, što jon nie ŭ stanie adkrucić. Tamu my nie vierniemsia ŭ 2019 hod. Heta iluzii», — ličyć palityk.
Łatuška zaklikaje praciahvać akazvać cisk na Łukašenku, kab prymušać jaho źmianiać unutranuju palityku, kab vyzvalać ludziej.
«I nie treba tut raskazvać, što Łukašenka patrabuje niejkaj kamunikacyi, niejkich dadatkovych sihnałaŭ. Jon usio daskanała viedaje. Jon samy lepšy ekśpiert u śviecie ŭ sankcyjnaj palitycy. Jon prajšoŭ praz heta piać razoŭ. Jon viedaje, za što ŭvodziacca sankcyi i jak ich źniać», — davodzić Łatuška.
Palityk upeŭnieny, što situacyja ŭ Biełarusi pamianiajecca raniej za 2030 hod, «kali my nie budziem siadzieć skłaŭšy ruki».
«Ja dumaju, što zaraz dla nas samy vialiki vyklik — heta baraćba za hałovy biełarusaŭ, za rozum biełarusaŭ. Kab jany praz rasčaravańnie nie pierajšli ŭ akceptacyju, a paźniej nie pierašli na inšy bok razumieńnia, naprykład, taho, što robić Rasija ŭ adnosinach da Ukrainy».
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?5
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary