Łatuška pra toje, chto nasamreč druhaja asoba ŭ dziaržavie

U novym vypusku TOKu były dypłamat i ministr kultury, a ciapier adzin ź lidaraŭ apazicyi Pavieł Łatuška patłumačyŭ, chto nasamreč znachodzicca na viaršyni ŭłady ŭ Biełarusi.

Na pohlad Łatuški, vyšej za premjer-ministra ŭ Biełarusi raniej byŭ kiraŭnik Administracyi Łukašenki:

«Kiraŭnik Administracyi byŭ toj asobaj, jakaja infarmavała premjer-ministra ab tym, što jon budzie pryznačany albo budzie zvolnieny z pasady. Chacia zaŭsiody pa Kanstytucyi ličyłasia, što [druhaja asoba — heta] premjer-ministr».

Pavialičyć

Adnak siońnia, adznačaje były vysoki čynoŭnik, nielha havaryć ab tym, što Dźmitryj Kruty, jaki zajmaje pasadu kiraŭnika Administracyi, moža ličycca druhoj asobaj. Pryčyna — u jaho asabistych jakaściach.

«Kruty nie źjaŭlajecca toj fihuraj z punktu hledžańnia «caradvorstva», niejkich praktyk, razumieńnia situacyi. I ŭpłyvu ŭ krainie jon nie maje. Navat patencyjału takoha nie maje. Ja jaho viedaju asabista. Jon nie pryros za hetuju pracu na pasadzie ambasadara ŭ Rasii. (…) Jon, darečy, pryŭnios hety ŭpłyŭ rasijski.

Heta toj čałaviek, jaki chutčej vykonvaje rolu, vykonvaje zadańni. Jon nie maje svajho punktu hledžańnia i mierkavańnia. Jon nie Łatypaŭ, nie Makiej, kali [toj] byŭ kiraŭnikom Administracyi. Jon navat nie Kabiakoŭ, jaki paśla premjerstva staŭ kiraŭnikom Administracyi. Šejman byŭ kaliści kiraŭnikom Administracyi. Jon absalutna sastupaje ŭsim tym, chto byŭ da jaho».

Samaj mocnaj asobaj u administracyi Łukašenki, na pohlad Paŭła Łatuški, źjaŭlajecca pieršaja namieśnica kiraŭnika hetaj struktury Natalla Piatkievič.

«Vieličezny dośvied aparatnaj pracy, blizkaść da Łukašenki. Jana była pieršaj pamočnicaj Łukašenki, była pieršaj namieśnicaj kiraŭnika [Administracyi]. Heta asoba, jakaja atrymała hałoŭnuju zadaču — zabiaśpiečyć pierapryznačeńnie Łukašenki na ŭzurpavanuju im pasadu prezidenta Biełarusi. Kali jana vykanaje hetuju misiju paśpiachova, to jaje vaha sapraŭdy ŭzraście», — davodzić Łatuška i nahadvaje, što padobnuju zadaču ŭ 2010 hodzie Piatkievič nie zdoleła vykanać.

Pa słovach Łatuški, bahaty dośvied dazvalaje Piatkievič być vielmi ŭpłyvovaj asobaj. Akramia hetaha, u jaje vialikija ambicyi.

«Ja ciažka sabie ŭjaŭlaju, jak [ministr zamiežnych spraŭ] Ryžankoŭ ź Piatkievič siabrujuć, jak jany ŭzhadniajuć usio. Bo vielmi vysokija ambicyi ŭ Ryžankova i vielmi vysokija ambicyi ŭ Piatkievič. Ale, moža, hetaje siabroŭstva, jakoje jany mieli z časoŭ studenctva, zachoŭvaje niejkija praviły i daje mahčymaść nie kanfliktavać. My nie čujem pra niejkija publičnyja kanflikty.

Tak što jana siońnia faktyčna nu nie druhaja, ale, napeŭna, vielmi viadučaja asoba ŭ krainie. Premjer Hałoŭčanka takim nie źjaŭlajecca. Chto ŭ nas siońnia dziaržaŭny sakratar Rady biaśpieki? Valfovič. Toj taksama [nie ŭpłyvovy]. Ja dumaju, zaraz takaja razmytaja situacyja. Niama vielmi ŭpłyvovaj asoby, jak Miaśnikovič byŭ ci Makiej, ci Łatypaŭ», — davodzić palityk.

Hladzicie całkam:

• 7
• 1
• 7
• 8
• 1
• 0
• 0
• 0