Śviet11

Lidar hrupoŭki CHTŠ Achmied al-Šaraa abvieščany časovym prezidentam Siryi

Faktyčny lidar Siryi i kiraŭnik hrupoŭki «Chajat Tachryr aš-Šam» (CHTŠ) Achmied al-Šaraa aficyjna pryznačany časovym prezidentam krainy, piša Bi-bi-si.

Fota: Mosa'ab Elshamy, File / AP

Isłamisckaja hrupoŭka CHTŠ, jakaja zabaronienaja ŭ mnohich krainach jak terarystyčnaja arhanizacyja, pad kiraŭnictvam al-Šaraa ŭznačaliła nastupleńnie paŭstancaŭ, u vyniku jakoha ŭ pačatku śniežnia minułaha hoda ŭ Siryi byŭ zrynuty režym Bašara Asada.

Al-Šaraa, jaki ŭ minułym byŭ palavym kamandziram i nasiŭ psieŭdanim Abu Machamied al-Džułani, atrymaŭ paŭnamoctvy ad novych siryjskich uładaŭ, kab sfarmavać časovuju zakanadaŭčuju radu, jakaja budzie dziejničać da pryniaćcia novaj kanstytucyi krainy.

Ab pryznačeńni al-Šaraa było abvieščana na sustrečy ŭ Damasku, u jakoj udzielničali kamandziry inšych uzbrojenych hrupovak, što ŭvachodzili ŭ paŭstancki aljans pad kiraŭnictvam CHTŠ.

Siryjskaje kiraŭnictva taksama abviaściła ab rospusku ŭsich uzbrojenych hrupovak, datyčnych da źviaržeńnia režymu Asada, a taksama armii i śpiecsłužbaŭ, sfarmavanych pry papiaredniaj uładzie. Zamiest ich, jak paviedamlajecca, budzie stvorana novaja struktura, adkaznaja za biaśpieku, ale padrabiaznaści pakul nie raskryvajucca.

Al-Šaraa prosić jaho nie bajacca

Achmied Chusejn al-Šaraa ŭ junactvie nabyŭ viadomaść siarod džychadystaŭ, kali ŭ 19 hadoŭ źjechaŭ u Irak i ŭstupiŭ u šerahi «Al-Kaidy», kab, jak jon sam kazaŭ, supraćstajać uvarvańniu ZŠA. U 2006 hodzie jaho aryštavali amierykanskija siły ŭ Iraku, i jon amal piać hadoŭ pravioŭ u turmie.

Adrazu paśla vyzvaleńnia «Al-Kaida» daručyła jamu stvaryć svajo adździaleńnie ŭ Siryi, što jon i zrabiŭ.

Adnak ź ciaham času jon pačaŭ adychodzić ad hrupoŭki, zajaŭlajučy, što jaho pohlady źmianilisia, i jon bolš nie imkniecca da stvareńnia suśvietnaha chalifata, a choča skancentravacca na ŭmacavańni ŭłady ŭ Siryi.

Paśla źviaržeńnia režymu Asada mnohija ŭ Siryi, asabliva etničnyja i relihijnyja mienšaści, a taksama mnohija zachodnija lidary, z tryvohaj nazirali, jak faktyčnym kiraŭnikom krainy stanovicca čałaviek z bahatym džychadysckim minułym. Sam al-Šaraa ŭ šmatlikich intervju, u tym liku zachodnim ŚMI, zapeŭnivaje, što novaja Siryja i jaje ŭłady nie ŭjaŭlajuć pahrozy ni dla samich siryjcaŭ, ni dla śvietu.

Jon prosić nie paraŭnoŭvać situacyju ŭ Siryi z afhanskimi talibami, jakija zachapili tam uładu paśla vyvadu sił zachodniaj kaalicyi i ŭviali žorstkija zakony šaryjatu.

Siarod inšaha, Al-Šaraa abiacaje, što novyja siryjskija ŭłady nie buduć parušać pravy žančyn, zachavajuć adukacyju dastupnaj dla ŭsich, a taksama razzbrojać usie tamtejšyja isłamisckija hrupoŭki.

Na minułym tydni z Al-Šaraa sustreŭsia ministr zamiežnych spraŭ Biełarusi Maksim Ryžankoŭ.

Kamientary1

  • Chunta
    30.01.2025
    U sučasnym śviecie pryniata nazyvać prezidentam tych, kaho vybirajuć i kamu daviaraje bolšaść vybarcaŭ. A kali papiarednik pryjšoŭ pa pratekcyi i trymaŭsia na štykach, i heta pryjšoŭ na plačach terarystyčnaj hrupoŭki, to jakija ž heta prezidenty?

Ciapier čytajuć

«Za łajki suprać Rasii». Šmatdzietnaja ŭkrainka chacieła pierajechać u Biełaruś, ale jaje nie ŭpuścili paśla ahladu telefona5

«Za łajki suprać Rasii». Šmatdzietnaja ŭkrainka chacieła pierajechać u Biełaruś, ale jaje nie ŭpuścili paśla ahladu telefona

Usie naviny →
Usie naviny

Piaskoŭ skazaŭ, što Biedros Kirkoraŭ prajšoŭ Vialikuju Ajčynnuju vajnu. Ale tamu było 9 hadoŭ u 1941-m21

Navukoŭcy zmahli vyznačyć mahčymych svajačak Jefrasińni Połackaj dziakujučy hienietyčnamu analizu9

U Minsku sutyknulisia dźvie lehkavuški i maršrutka

Zahinuŭ biełarus ź Indury, jaki vajavaŭ na baku Rasii. Pratrymaŭsia mienš za dva miesiacy3

Pamierła samaja razumnaja małpa ŭ śviecie, jakaja viedała bolš za 300 słoŭ, hatavała i hulała ŭ Minecraft24

Za skandalny hadzińnik Franaka Viačorki ŭžo dajuć 2500 jeŭra35

Hałoŭnaja redaktarka «Biełsata» Alina Koŭšyk stała viadučaj ranišniaha šou na kanale3

Jak i dzie adznačyć Dzień Voli za miažoj. Śpis mierapryjemstvaŭ18

Uitkaf pra akupavanyja ŭkrainskija terytoryi: Pieravažnaja bolšaść ludziej pakazała, što choča być pad uładaj Rasii80

bolš čytanych navin
bolš łajkanych navin

«Za łajki suprać Rasii». Šmatdzietnaja ŭkrainka chacieła pierajechać u Biełaruś, ale jaje nie ŭpuścili paśla ahladu telefona5

«Za łajki suprać Rasii». Šmatdzietnaja ŭkrainka chacieła pierajechać u Biełaruś, ale jaje nie ŭpuścili paśla ahladu telefona

Hałoŭnaje
Usie naviny →

Zaŭvaha:

 

 

 

 

Zakryć Paviedamić