Vierahodna, ad hetaha budzie zaležać, ci zachavaje Rasija ŭ Siryi vajskovyja bazy, piša Reuters na padstavie svaich krynic.
Rasijskaja delehacyja na čale z namieśnikam ministra zamiežnych spraŭ Michaiłam Bahdanavym pryjechała ŭ Siryju 28 studzienia. Padčas vizitu Bahdanaŭ pravioŭ sustreču z kiraŭnikom novaj siryjskaj administracyi Achmiedam aš-Šaraa. Pa słovach Bahdanava, «źmienaŭ u rasijskaj prysutnaści ŭ Siryi niama, a baki damovilisia praciahnuć kansultacyi».
U toj ža čas siryjskija ŭłady, pavodle infarmacyi miascovaha dziaržaŭnaha ahienctva SANA, padčas pieramoŭ zajavili, što «adnaŭleńnie adnosin pavinna ŭličvać pamyłki minułaha, pavažać volu siryjskaha naroda i słužyć jaho intaresam».
Pavodle źviestak krynicy Reuters, znajomaj z chodam rasijska-siryjskich pieramoŭ, padčas ich Achmied aš-Šaraa zapatrabavaŭ ad Rasii vydać novym uładam byłoha prezidenta Siryi Bašara Asada, jaki ŭciok u Maskvu.
Pry hetym aficyjna novyja ŭłady Siryi pra patrabavańnie vydać Asada pakul nie paviedamlali.
U Siryi znachodziacca dźvie rasijskija vajskovyja bazy — avijabaza Chmiejmim i vajskova-marskaja baza ŭ Tartusie. Paśla padzieńnia režymu Bašara Asada Uładzimir Pucin zajaviŭ, što budučynia rasiejskich baz zaležyć ad supadzieńnia intaresaŭ z novymi siryjskimi ŭładami. Maŭlaŭ, Rasija hatova zachavać bazy pry ŭmovie ŭzajemavyhadnaha supracoŭnictva.
Novyja ŭłady Siryi pahadzilisia adnavić adnosiny z Rasijaj. Ale tolki paśla pryznańnia pamyłak i vypłaty kampiensacyi
U port Tartusa pryjšli rasijskija karabli. Rasija vyvodzić vojski ź Siryi?
Siryjski port Tartus razarvaŭ 49-hadovy inviestkantrakt z Rasijaj
U internecie raźlacieŭsia fejk pra atručeńnie ŭ Maskvie siryjskaha dyktatara Bašara Asada
Novy lidar Siryi raskazaŭ, jakim budzie ład u krainie, kali projduć vybary i jakija buduć adnosiny z Rasijaj
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary