Novyja ŭłady Siryi pahadzilisia adnavić adnosiny z Rasijaj. Ale tolki paśla pryznańnia pamyłak i vypłaty kampiensacyi
Novyja ŭłady Siryi padčas pieramoŭ, praviedzienych z rasijskaj delehacyjaj, zajavili pra hatoŭnaść adnavić stasunki z Kramlom pry ŭmovie, što RF pryznaje svaje pamyłki i pahodzicca vypłacić kampiensacyju. Pra heta paviedamiła siryjskaje dziaržahienctva SANA.
«Rasijski bok paćvierdziŭ padtrymku pazityŭnym źmienam, jakija adbyvajucca ŭ Siryi. U chodzie dyjałohu była padkreślena rola Rasii ŭ adnaŭleńni davieru ź siryjskim narodam z dapamohaj kankretnych mier u vyhladzie kampiensacyi, rekanstrukcyi i adnaŭleńnia», — pieradało infarmahienctva.
Siryjskija ŭłady, pavodle infarmacyi SANA, padčas pieramoŭ zajavili, što «adnaŭleńnie adnosin pavinna ŭličvać pamyłki minułaha, pavažać volu siryjskaha naroda i słužyć jaho intaresam».
Rasijskaja delehacyja na čale z namieśnikam ministra zamiežnych spraŭ Michaiłam Bahdanavym prybyła ŭ Siryju 28 studzienia. Hety vizit staŭ pieršym paśla źmieny ŭłady ŭ krainie.
Michaił Bahdanaŭ paśla sustrečy z pradstaŭnikami novaj siryjskaj administracyi skazaŭ, što baki abmierkavali pytańnie pra zachavańnie rasijskich vajskovych baz u Siryi, adnak ni pra što pakul nie damovilisia.
«Hetaje pytańnie patrabuje dadatkovych pieramoŭ. My damovilisia ab praciahu bolš pahłyblenych kansultacyj pa kožnym napramku našaha supracoŭnictva», — zajaviŭ Bahdanaŭ.
Pres-sakratar Kramla Dźmitryj Piaskoŭ admoviŭsia kamientavać infarmacyju, što novyja siryjskija ŭłady zapatrabavali ad Rasii vypłatu kampiensacyj. «My budziem praciahvać dalej dyjałoh ź siryjskimi ŭładami», — zajaviŭ Piaskoŭ.
Jak stała viadoma 21 studzienia, novyja ŭłady Siryi skasavali damovu z rasijskaj kampanijaj «Budtranshaz», jakaja kiravała portam Tartus pobač z vajskova-marskoj bazaj Rasii.
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA21
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary