Tramp uvioŭ taryfy dla Kitaja i choča abkłaści imi Jeŭrasajuz. Ci zakranie Biełaruś?
Administracyja Donalda Trampa ŭžo ŭviała dadatkovyja mytnyja pošliny na tavary z Kitaja. Aproč hetaha, hučali płany ŭvieści pošliny dla Jeŭrasajuza. «Naša Niva» pacikaviłasia ŭ ekśpierta, jak padobnyja dziejańni mohuć zakranuć biełaruskuju ekanomiku.
Ekśpiert BEROC Anastasija Łuzhina adznačaje, što navat kali Tramp uviadzie myty na pastaŭki tavaraŭ ź Jeŭrasajuza ŭ ZŠA, to ich niehatyŭny efiekt dla ekanomiki Jeŭrasajuza naŭrad ci istotna adabjecca na Biełarusi.
«Dla našaj ekanomiki Jeŭrasajuz pierastaŭ być adnym z najvažniejšych ekanamičnych partnioraŭ, jak heta było raniej. Tamu źmieny ŭ ekanomicy ES nie zmohuć zaŭvažna adbicca na ekanomicy biełaruskaj, jak kali heta było b 5-6 hadoŭ tamu, kali ES zajmaŭ značnuju dolu ŭ struktury źniešniaha handlu Biełarusi», — tłumačyć ekanamist.
Adnak heta nie aznačaje, što abmiežavańni, jakija ŭvodzić Tramp, nijak nie adabjucca na Biełarusi.
«Paśla Rasii druhim pa važnaści partnioram dla Biełarusi staŭ Kitaj, na ekspart ź jakoha ZŠA ŭviali pošliny. Tamu bolšy ŭpłyŭ na Biełaruś moža akazać čarhovaje pavyšeńnie taryfaŭ dla Kitaja.
Heta moža pryvieści da taho, što Kitaj budzie šukać novyja rynki zbytu svaich tavaraŭ».
Usio heta moža padšturchnuć Kitaj pavialičyć ekspart u Biełaruś i pierš za ŭsio ŭ Rasiju.
«Pavieličeńnie kitajskaha impartu ŭ Rasiju budzie stvarać jašče bolšuju kankurencyju dla biełaruskich tavaraŭ, tym samym vyciaśniajučy ich z rynku. A z ulikam taho, što ŭ Rasii taksama zapavolvajucca tempy ekanamičnaha rostu, to takaja situacyja budzie stvarać dadatkovyja vykliki biełaruskim eksparcioram na rasijskim rynku».
Pa vynikach 2024 hoda Kitaj pakazaŭ 5% pryrostu VUP, što ŭkładvałasia ŭ ich prahnoznyja značeńni. Ale ŭžo ŭ 2025 hodzie, jak praz unutranyja prablemy, tak i praz sankcyi, isnujuć ryzyki taho, što rost moža zapavolicca da 4,5%.
«Źnižeńnie tempaŭ rostu kitajskaj ekanomiki pryviadzie da źnižeńnia popytu ŭnutry krainy, što moža niehatyŭna adbicca na pastaŭkach biełaruskich tavaraŭ u Kitaj. Tamu nam varta ŭličvać i hety faktar», — tłumačyć Łuzhina.
Taksama ekśpiert adznačaje, što zaharadžalnyja pošliny z boku ZŠA mohuć pryvieści da skaračeńnia vytvorčaści ŭ Kitai, što ŭ svaju čarhu pryviadzie da rostu biespracoŭja ŭ Kitai i, adpaviedna, da zapavoleńnia rostu ŭnutranaha popytu.
«Nie abaviazkova, što ŭsie niehatyŭnyja scenary realizujucca, ale heta surjozny vyklik 2025 hoda. U Rasii ŭžo adbyvajecca zapavoleńnie rostu ekanomiki, a ŭ dadatak moža dadacca zapavoleńnie rostu ekanomiki Kitaja. A heta dva asnoŭnyja handlovyja partniory Biełarusi.
Navat našy čynoŭniki kažuć ab tym, što ŭ płanie situacyi na źniešnich rynkach hety hod dla Biełarusi budzie niaprostym».
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary
Kali ciabie na vulicy ad.t kaho pakličyš ? A za taki jazyk ciabie ..pi b́jut))
Miantoŭ .Kali mianty? Advakata pravaabaroncaŭ śmi ??
Tamu zabarona " anarchistam libirtaryancam .." pasłuhi ni nadajut pavinna być ..
Aŭtanomny jak . .u pałonkie .