Minskaj błohiercy nie chapaje na pieršy ŭznos za mašynu. Jana pradaje lubimyja strynhi za tysiaču jeŭra
Błohierka Kryścina Levina šukaje, dzie ŭziać 4 tysiačy dalaraŭ — nie chapaje na pieršy ŭznos na novuju mašynu. Jana vyrašyła pradać padpisčykam za šalonyja hrošy nošanyja strynhi i škarpetki. I heta nie ŭsie niezvyčajnyja łoty.
Błohierka Kryścina Levina z Babrujska, ale apošnija hady žyvie ŭ Minsku. Raniej jana zarablała na draŭlanych sumačkach z ručnym rośpisam. Ciapier maładaja žančyna robić staŭku na toje, što dapamahaje biełarusam i rasijanam abychodzić zabaronu na manietyzacyju tyktoku.
Kryścina zaharełasia idejaj pamianiać aŭtamabil. Płanuje ŭziać u sałonie hibrydnuju Mazda EZ-6 2025 hoda. Ale joj nie chapaje na pieršy ŭznos 4 tysiačy dalaraŭ. Tamu błohierka, jakaja maje ŭ instahramie kala 66 tysiač padpisčykaŭ, vyrašyła zładzić ciaham 24 hadzin rasprodaž niezvyčajnych łotaŭ.
Pieršaj prapanovaj stali samyja lubimyja strynhi Kryściny — ź piarlinami. Za ich błohierka choča atrymać tysiaču eŭra, ci prykładna 3600 biełaruskich rubloŭ.
— Pakolki byłyja va ŭžyvańni rečy nie abkładajucca padatkam, pravieści ich praź IP nielha. Tamu apłata na fizičnuju kartu, — rastłumačyła Kryścina.
Druhim łotam stali biełyja škarpetki, taksama nie novyja. Za dźvie pary błohierka prosić 890 rubloŭ.
Za 290 rubloŭ Levina abiacaje kožny dzień ciaham 10 dzion dasyłać pakupniku kružočak u telehramie, dzie budzie žadać dobraha ranku i ahučvać niejki matyvacyjny śpič. Takich łotaŭ Kryścina prapanuje adrazu try.
Taksama možna arandavać u błohierki na 5 dzion šapku jaje profilu ŭ instahramie (za 490 rubloŭ Kryścina hatovaja navat avatarku źmianić), zapisać ź Levinaj sumiesnaje videa dla instahrama (490 rubloŭ), zakazać raspovied pra svoj biznes (590 rubloŭ).
Za 790 rubloŭ pradprymalnaja dziaŭčyna pradaje sumačku ź lubym malunkam — abiacaje vielmi śpiecyfičny siurpryz unutry. Samaja tannaja prapanova — padkast pra prasoŭvańnie praz asabisty brend. Kaštuje 29 rubloŭ.
Jość i jašče niezvyčajnyja varyjanty. Za 299 rubloŭ Kryścina hatovaja nakarmić pakupnika ŭ siabie doma skumbryjaj chałodnaha vendžańnia z bulbačkaj. Padčas takoj viačery prapanuje abmierkavać temu asabistaha brendu i manietyzacyju tyktoku.
Darečy, biełaruskija błohierki nie ŭpieršyniu pradajuć niezvyčajnyja rečy za šalonyja hrošy. Naprykład, letaś u kastryčniku błohierka ź Minska Alena Kardon-Miełavackaja siarod inšych łotaŭ pradavała piać «zaradžanych na pachudańnie» butelek koły pa 100 rubloŭ za štuku. Za pieršyja 7 hadzin u jaje atrymałasia zarabić amal 22 tysiačy rubloŭ.
Błohierka Ira Mismo na minuły Dzień usich zakachanych pradavała padpisčykam svaje fotazdymki z novym chłopcam. Košt byŭ nievialiki — 15 rubloŭ. Ale ŭ vyniku za sutki zdymki kupiŭ 421 čałaviek. Błohierka pachvaliłasia, što zarabiła na hetym 6315 rubloŭ.
«Kolki pavinien zarablać chłopiec u Minsku, kab sustrakacca z vami?» Skandał vakoł vuličnaha apytańnia
Para choča sabrać 10 tysiač dalaraŭ z padpisčykaŭ u instahramie na viasielle mary
Biełaruskaj błohiercy admovilisia pradavać remień «Łui Viton». Jana aburanaja
«U Biełarusi abyšłosia b daražej». Błohierka adśviatkavała viasielle na Paŭnočnym Kipry i raspaviała, kolki heta kaštuje
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary