Stała viadoma, chto toj kuratar KDB, jaki prapanoŭvaŭ lachavickaj nastaŭnicy danosić na kaleh
Nastaŭnica matematyki Lachavickaj himnazii Taćciana Krapinievič naprykancy 2024 hoda vymušana vyjechała z krainy paśla danosaŭ Volhi Bondaravaj. Jana raskazała ŭ intervju «Viaśnie», jak paśla dopytu ŭ KDB joj telefanavaŭ kuratar viedamstva i prapanoŭvaŭ danosić na kaleh. Pra asobu hetaha kuratara ŭdałosia vyśvietlić niekatoryja padrabiaznaści.
Jak paviedamiła Taćciana, kuratar pradstaviŭsia, jak Paj Alaksandr Vasiljevič. Nastaŭnica zapisała jaho numar telefona.
«Jon skazaŭ, što viedaje, što ja pakidała na vybarach podpis za Viktara Babaryku. «Tak, było takoje, što ŭ hetym drennaha?» Jon mnie daŭ zrazumieć, što kali ja štości pabaču ci pačuju padazronaje, to mahu ŭ luby čas dniom i nočču jamu patelefanavać. To-bok jon mnie prapanavaŭ danosić na inšych», — raskazała ŭ intervju Taćciana.
Z dapamohaj «Biełpoła» «Viasna» znajšła čałavieka z takim samym imieniem.
Pa stanie na 2017 hod Alaksandr Paj pracavaŭ u vajskovaj čaści № 13279 — heta Upraŭleńnie KDB pa Bresckaj vobłaści. 35-hadovy mužčyna — uradženiec Drahičyna i maje va ŭłasnaści kvateru ŭ Baranavičach.
Jak atrymałasia vyśvietlić, Paj dvojčy pryciahvaŭsia da administracyjnaj adkaznaści za pieravyšeńnie chutkaści i parušeńnie pravił parkoŭki.
Numar telefona, ź jakoha telefanavali nastaŭnicy, zarehistravany na 32-hadovuju Paj Volhu Vasiljeŭnu. Jaje apošniaje miesca pracy — Centralnaja rajonnaja biblijateka horada Ivanava.
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj
15 hadzin spatrebiłasia, kab sabrać zbor dla evakujavanaj siamji Taćciany Krapinievič, na jakuju daniesła Bondarava
Paśla danosu Bondaravaj nastaŭnica hoda ź Lachavičaŭ terminova vyjechała ź Biełarusi
Za «anłajn-pikietavańnie» buduć sudzić zavuča Lachavickaj himnazii, jakuju zdała Bondarava
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać1
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary