Cikava, što pradajucca tolki sami raśliny, a nie terytoryja, na jakoj jany rastuć.
Na sajcie Centra pramysłovaj acenki ŭ raździele «aŭkcyjony» zaŭvažanyja niezvyčajnyja łoty-dva «kamplekty» vialikaŭzrostavych dreŭ, jakija rastuć u Barysavie pa adrasie vulica vulica Marozava, 87, piša Smartpress.by.
Pieršy łot — 78 raślin — acenieny ŭ 28 170 rubloŭ sa startu tarhoŭ. U jaho ŭvajšli drabnalistyja lipy, balzamičnyja tapoli, biarozy, dva jasieni, adna jabłynia, adna biełaja viarba, a taksama redkija kusty. Druhi składajecca ź siami nasadžeńniaŭ: šaści lip i puzyrapłodnik. Jaho startavy košt skłaŭ 4 563 rubli. Pry hetym na abodva łoty jana ŭžo źnižana na 10% ad pieršapačatkovaj.
Cikava, što pradajucca tolki sami raśliny, a nie terytoryja, na jakoj jany rastuć. Što rabić z takoj kuplaj, niezrazumieła. Novamu ŭłaśniku pryjdziecca nieści adkaznaść za zialony kutok (u tym liku, kali niejkaje dreva ŭpadzie z-za vietru abo pa inšych pryčynach), i nie fakt, što hetyja nasadžeńni atrymajecca śsiekčy na drovy abo pasprabavać zrabić ź ich piłamateryjały.
Bo pa zakonie «Ab raślinnym śviecie», kali drevy i kusty rastuć za miežami pryvatnych padvorkaŭ abo abjektaŭ, jakija naležać pradpryjemstvam i arhanizacyjam, ich vysiečka biez adpaviednych dakumientaŭ zabaronienaja.
Na aŭkcyjon raśliny patrapili jak majomaść pradpryjemstva-bankruta. Tam ža akazalisia i niekatoryja pabudovy taho ž ułaśnika pa tym ža adrasie, naprykład, vodanapornaja vieža i padziemnyja składskija pamiaškańni. Pra ziamielnyja ŭčastki, jakija adnosiacca da hetaj nieruchomaści, skazana, što na ich pradastaŭlena prava pastajannaha karystańnia.
Sam aŭkcyjon užo zaviaršyŭsia, achvotnych pazmahacca za abjekty raślinnaha śvietu nie znajšłosia. Adnak, jak pakazana na sajcie, pradaviec moža vystavić łot na paŭtornyja tarhi.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary