U Maładziečnie adkryvajuć zavod, dzie buduć vypuskać pradukt, pra jaki vy nie čuli
Bolš za paŭhoda vytvorčaść pracuje ŭ ekśpierymientalnym režymie. Chutka ž płoščy surjozna pavialičacca.
U Maładziečnie rychtujucca da zapusku niezvyčajnaj vytvorčaści — upieršyniu tut asvoili vypusk akvafaby. Heta inavacyjny parašok z nuta — raślinnaja alternatyva jajkam, ź jakoha možna pryhatavać ziefir, bieze, majanez, raspaviadaje STB.
Ekśpierymientalny cech pracuje paŭhoda. Tut taksama vyrablajuć šyroki asartymient kansiervaŭ: ad babovych u tamatnym sousie da strukovaj fasoli i namazak. Pakul abjomy vytvorčaści składajuć kala 20 tysiač adzinak za miesiac. Pradukcyja pradajecca jak u Biełarusi, tak u Rasii i Kazachstanie.
Zusim chutka pradpryjemstva pašyryć płošču i adkryje asnoŭny vytvorčy cech.
— Było zakuplena samaje pieradavoje abstalavańnie, jakoje daść mahčymaść nam vypuskać vydatnuju pradukcyju dla žycharoŭ našaj krainy, a taksama blizkaha zamiežža. Pry zapusku druhoj čarhi abjomy pradukcyi pavialičacca ŭ 20 razoŭ i buduć stvorany 53 novyja rabočyja miescy. Płanaŭ jašče dastatkova šmat, na dasiahnutym nie spyniajemsia. I dumaju, što zmožam jašče ździvić bližej da kanca hoda, — abiacaje Vital Kulik, namieśnik dyrektara pa raźvićci pradpryjemstva pa pierapracoŭcy babovych kultur.
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary
małajcy, što skazać. u majho syna 100% alerhija na jajka. jahony arhanizm całkam adrynaje luboje jajka. navat pierapialinaje, jakoje ličycca typu hipaalerhiennym. to bok jamu nikoli nie pakaštavać takija vyraby, jak ziefir ci biskvit i t.p. sa zvyčajnaha jajka.. nu kali chiba z akvafaby