U rasijskim Tatarstanie adbyłasia ataka bieśpiłotnikaŭ na naftapierapampavalnuju stancyju «Kalejkina» kala horada Almiećjeŭska, jakaja źjaŭlajecca važnym vuzłom naftapravoda «Družba».
U vyniku padzieńnia abłomkaŭ bieśpiłotnych latalnych aparataŭ na pramysłovuju zonu ŭźnik pažar. Pavodle infarmacyi miascovych uładaŭ, paciarpiełych niama, a słužby viaduć raboty pa likvidacyi nastupstvaŭ.
Stancyja «Kalejkina» maje stratehičnaje značeńnie: mienavita tam źmiešvajecca nafta, što pastupaje z roznych trubapravodaŭ ź Sibiry, paśla čaho jana nakiroŭvajecca ŭ sistemu «Družba». Dalej syravina transpartujecca ŭ krainy Centralnaj Jeŭropy — u pryvatnaści, u Vienhryju i Słavakiju, jakija zastajucca adnymi ź niamnohich krain Jeŭrasajuza, što praciahvajuć zakuplać rasijskuju naftu.
Razam z tym pastaŭki pa hetym maršrucie byli prypynienyja jašče naprykancy studzienia paśla ŭdaru pa naftapierapampavalnaj stancyi ŭ Brodach u Lvoŭskaj vobłaści Ukrainy. Paśla hetaha Vienhryja i Słavakija zapatrabavali jak maha chutčej adnavić tranzit, abvinavaciŭšy ŭkrainski bok u zaciahvańni ramontnych rabot. Vienhryja navat źbirajecca praz heta zabłakavać 20‑ty pakiet sankcyj suprać Rasii, prymierkavany da 4‑j hadaviny raźviazvańnia poŭnamaštabnaj vajny.
Spynilisia apošnija pastaŭki rasijskaj nafty ŭ Jeŭrasajuz. Rasija sama razbambiła naftapravod
Fica: Słavakija prypynić pastaŭki elektraenierhii va Ukrainu, kali Kijeŭ budzie pieraškadžać pastaŭkam nafty praz «Družbu»
Ministr zamiežnych spraŭ Vienhryi nazvaŭ umovu, pry jakoj kraina padtrymaje vydaču Ukrainie 90 młrd jeŭra
Jeŭrasajuz nie patrabuje ad Ukrainy chutka ramantavać naftapravod «Družba»
Adrezanaja ad naftapravoda «Družba» Słavakija kupiła siem tankieraŭ nafty ŭ inšych krainach
Ciapier čytajuć
Što pościać biełaruskija sielebrycis, jakija apynulisia pad bombami i dronami ŭ krainach Bližniaha Uschodu4
Kamientary