Цікава, што прадаюцца толькі самі расліны, а не тэрыторыя, на якой яны растуць.
На сайце Цэнтра прамысловай ацэнкі ў раздзеле «аўкцыёны» заўважаныя незвычайныя лоты-два «камплекты» вялікаўзроставых дрэў, якія растуць у Барысаве па адрасе вуліца вуліца Марозава, 87, піша Smartpress.by.
Першы лот — 78 раслін — ацэнены ў 28 170 рублёў са старту таргоў. У яго ўвайшлі драбналістыя ліпы, бальзамічныя таполі, бярозы, два ясені, адна яблыня, адна белая вярба, а таксама рэдкія кусты. Другі складаецца з сямі насаджэнняў: шасці ліп і пузыраплоднік. Яго стартавы кошт склаў 4 563 рублі. Пры гэтым на абодва лоты яна ўжо зніжана на 10% ад першапачатковай.
Цікава, што прадаюцца толькі самі расліны, а не тэрыторыя, на якой яны растуць. Што рабіць з такой купляй, незразумела. Новаму ўласніку прыйдзецца несці адказнасць за зялёны куток (у тым ліку, калі нейкае дрэва ўпадзе з-за ветру або па іншых прычынах), і не факт, што гэтыя насаджэнні атрымаецца ссекчы на дровы або паспрабаваць зрабіць з іх піламатэрыялы.
Бо па законе «Аб раслінным свеце», калі дрэвы і кусты растуць за межамі прыватных падворкаў або аб'ектаў, якія належаць прадпрыемствам і арганізацыям, іх высечка без адпаведных дакументаў забароненая.
На аўкцыён расліны патрапілі як маёмасць прадпрыемства-банкрута. Там жа аказаліся і некаторыя пабудовы таго ж уласніка па тым жа адрасе, напрыклад, воданапорная вежа і падземныя складскія памяшканні. Пра зямельныя ўчасткі, якія адносяцца да гэтай нерухомасці, сказана, што на іх прадастаўлена права пастаяннага карыстання.
Сам аўкцыён ужо завяршыўся, ахвотных пазмагацца за аб'екты расліннага свету не знайшлося. Аднак, як паказана на сайце, прадавец можа выставіць лот на паўторныя таргі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2020
Каментары