U Minsku znoŭ spynilisia tralejbusy i tramvai na niekalkich vulicach
Viečaram 23 lutaha Minsk sutyknuŭsia z transpartnymi prablemami. Spačatku horad skavali zatory, a zatym na niekalkich vulicach adbylisia avaryi na kantaktnaj sietcy i DTZ, jakija paralizavali ruch tralejbusaŭ i tramvajaŭ, piša ahienctva «Minsk-Naviny».
Pavodle danych servisu «Jandeks.Zatory», zahružanaść daroh u stalicy da viečara aceńvajecca ŭ 5 bałaŭ — ruch u horadzie istotna ŭskładnieny.
Pavodle infarmacyi «Minsktransa», z-za vialikaj kolkaści mašyn zapavoliŭsia ruch na dvuch učastkach:
- Vulicy Surhanava i Akademičnaja: tut transpart adstavaŭ ad hrafika na 20 chvilin.
- Vulica Kalvaryjskaja: zatory taksama dadavali kiroŭcam da 20 chvilin zatrymki.
Kala pałovy na siomuju viečara situacyja pahoršyłasia. Spačatku ŭ 18:29 adbyłosia paškodžańnie kantaktnaj sietki na vulicy Kalvaryjskaj i ŭ Tučynskim zavułku. Ruch spyniŭsia ŭ abodvuch napramkach. Z-za hetaha stali tralejbusy maršrutaŭ №7, 9, 13 i 44.
Litaralna praz try chviliny, u 18:32, jašče adna avaryja zdaryłasia ŭ centry horada — na vulicach Niamiha i Miaśnikova (u napramku płoščy Banhałor). Tam taksama paškodziła kantaktnuju sietku, i spynilisia tralejbusy maršrutaŭ №29, 37 i 53.
U 18:33 da transpartnych prablem dadałasia novaja — na vulicach Jakuba Kołasa i Niakrasava (u napramku vulicy Čyrvonaja) adbyłasia avaryja, z-za jakoj spyniŭsia ruch tramvajaŭ. Stali maršruty №1, 5, 6 i 11.
Ruch častkova pieranakiravali:
- Tramvai №5 iduć tolki da prypynku «RK «Źmitraka Biaduli».
- Tramvai №1 i №6 dajazdžajuć tolki da dyśpietčarskaj stancyi «Voziera».
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary