Pavodle krynicy vydańnia Financial Times, jakaja niadaŭna mieła razmovu z Pucinym, rasijski kiraŭnik staŭ jašče bolš upeŭnienym u svaich siłach i tamu moža vystavić jašče bolš žorstkija patrabavańni na lubych mirnych pieramovach pa Ukrainie. Paralelna Pucin spadziajecca vyjavić va ŭkrainskich šerahach «novaha Achmata Kadyrava», hatovaha zdradzić svajoj radzimie.
Uładzimir Pucin usio jašče raźličvaje pastavić va Ukrainie maryjanietačny ŭrad, natchniajučysia prykładam Čačni, piša vydańnie Financial Times sa spasyłkaj na krynicu ŭ atačeńni rasijskaha kiraŭnika.
Pavodle krynicy, jakaja niadaŭna abmiarkoŭvała z Pucinym vajnu va Ukrainie, toj choča znajści va ŭkrainskich palityčnych ci vajskovych elitach alternatyŭnaha Zialenskamu kiraŭnika, jaki pahadzicca całkam zdać svaju krainu Rasii hetak ža, jak zrabiŭ Achmat Kadyraŭ z Čačnioj u 2000 hodzie, kali razam z synam Ramzanam Kadyravym pierabieh na bok rasijskich fiederalnych vojskaŭ.
Pry hetym Pucin z vysokaj vierahodnaściu zrobić svaje patrabavańni da Ukrainy i Zachadu na budučych pieramovach jašče bolš žorstkimi, čym jany byli ŭ samym pačatku vajny, adznačaje krynica ŭ jaho atačeńni.
Pa jaje słovach, Maskva nie budzie vypłočvać nijakich reparacyj Ukrainie i, chutčej za ŭsio, zapatrabuje ad Zachadu dostupu da ŭsich svaich zamarožanych aktyvaŭ, jakija vyličajucca sotniami miljardaŭ dalaraŭ.
Aproč hetaha, Pucin moh by pahadzicca abmianiać terytoryju, akupavanuju Rasijaj u Charkaŭskaj vobłaści, na terytoryju, jakaja ciapier utrymlivajecca Ukrainaj u Kurskaj vobłaści, a taksama zajavić pra «akupacyju» Kijevam inšych terytoryj, na jakija pretenduje Maskva, kali Ukraina zrobić toje ž samaje ŭ dačynieńni da svaich časova stračanych z-za rasijskaj akupacyi ziemlaŭ, padkreślivaje krynica vydańnia Financial Times.
Vydańnie dadaje, što takim upeŭnienym pavodzinam Pucina taksama spryjaje dobraje staŭleńnie da jaho z boku prezidenta ZŠA Donalda Trampa. Analizujučy publičnyja zajavy Trampa, Financial Times adznačaje, što za tydzień toj pahadziŭsia amal na ŭsie žorstkija patrabavańni Pucina, a paśla abrynuŭsia z krytykaj na prezidenta Ukrainy Uładzimira Zialenskaha.
Pa słovach vysokapastaŭlenaha jeŭrapiejskaha čynoŭnika, u krain ES takija rašeńni Vašynhtona vyklikajuć šok i strach pierad tym, što ZŠA mohuć pakinuć ich sam-nasam pierad pahrozami Maskvy, pieradaje Financial Times.
Kamientary
Tožie samoje było kstati i v Čiečnie, kohda kriemlevskije vyšli na polevoho komandirša Kadyrova, priedłoživ jemu millionnyje summy, čtoby tot pieriešieł na ich storonu u sdał vsie soprotivlenije, vsiu stranu v ruki kriemla. Tožie samoje Moskva budiet pytaťsia diełať siejčas i v Ukrainie.