Tramp zajaviŭ pra zryŭ pahadnieńnia z Ukrainaj pa redkaziamielnych mietałach
Prezident ZŠA abvinavaciŭ Ukrainu ŭ zryvie pahadnieńnia pa redkaziamielnych mietałach, jakoje, na dumku amierykanskaj administracyi, dazvoliła b viarnuć vydatkavanyja na padtrymku Kijeva srodki, piša Bi-bi-si.
«U nas była damova pa redkaziamielnych mietałach i inšych, ale jany parušyli hetuju damovu dva dni tamu», — skazaŭ Tramp na inviestycyjnym forumie ŭ Majami.
U svaim vystupie Tramp praciahnuŭ krytyku ŭ adras Uładzimira Zialenskaha i zajaviŭ, što ZŠA vydatkavali 350 miljardaŭ dalaraŭ na dapamohu Kijevu, ale, u adroźnieńnie ad jeŭrapiejskich krain, ničoha nie atrymali naŭzamien.
«U toj čas jak ZŠA ničoha nie atrymlivajuć naŭzamien, jany [Jeŭropa] viartajuć svaje hrošy», — skazaŭ jon.
Na pačatku lutaha Tramp zajaŭlaŭ, što choča atrymać dostup da ŭkrainskich karysnych vykapniaŭ u abmien na dapamohu Kijevu. Pavodle jaho, ukrainskaja «terytoryja maje vielizarnuju kaštoŭnaść z punktu hledžańnia redkaziamielnych mietałaŭ».
«Ja chaču, kab našy hrošy byli ŭ biaśpiecy, tamu što my tracim sotni miljardaŭ dalaraŭ», — kazaŭ Tramp.
Na minułym tydni padčas vizitu ŭ Kijeŭ ministra finansaŭ ZŠA Skota Biesienta ŭkrainskamu boku byŭ pradstaŭleny prajekt pahadnieńnia ab partniorstvie, jaki praduhledžvaje inviestycyi ŭ karysnyja vykapni. Uładzimir Zialenski zajaviŭ, što ŭłady źbirajucca jaho vyvučyć.
ŚMI paviedamlali, što na Miunchienskaj kanfierencyi pa biaśpiecy Zialenski admoviŭsia padpisać dakumient, zhodna ź jakim ZŠA atrymali b 50% ułasnaści na karysnyja vykapni.
Paźniej Uładzimir Zialenski zajaviŭ, što dakumient pakul nie hatovy da padpisańnia. «Ja nie daŭ zhodu na padpisańnie pahadnieńnia, tamu što jano jašče nie hatova», — skazaŭ jon na minułych vychodnych.
Jak paviedamlaje Reuters u ekskluziŭnym materyjale sa spasyłkaj na krynicy, Bieły dom moža pasprabavać zaklučyć z Ukrainaj sproščanuju ździełku i paźniej abmierkavać padrabiaznyja ŭmovy pahadnieńnia.
Ahienctva taksama adznačaje, što na minułym tydni Uładzimir Zialenski adchiliŭ prapanovu ZŠA, pavodle jakoj Vašynhton atrymaŭ by 50% krytyčna važnych minieralnych resursaŭ Ukrainy, u tym liku hrafit, uran, tytan i lityj.
Lityj źjaŭlajecca klučavym kampanientam u vytvorčaści akumulataraŭ dla elektramabilaŭ, piša Reuters.
Ź vizitam u Kijevie znachodzicca śpiecpasłańnik Trampa pa Ukrainie Kit Kiełah, ź jakim Zialenski płanuje sustrecca ŭ čaćvier.
Adkazvajučy na pytańnie, ci buduć amierykanskija čynoŭniki praciahvać damahacca zaklučeńnia ździełki, adzin z daradcaŭ Trampa na ŭmovach ananimnaści skazaŭ Reuters: «Biezumoŭna, nam treba viarnuć hetaha chłopca da realnaści».
Padrabiaznaści abmierkavańnia mahčymaj ździełki, u tym liku infarmacyja pra toje, chto ŭ amierykanskaj administracyi ŭdzielničaŭ u padrychtoŭcy prajekta pahadnieńnia, zastajucca nieviadomymi.
Džej Dzi Vens pahražaje Zialenskamu za kiepskija słovy pra Trampa
Starmier patelefanavaŭ Zialenskamu i skazaŭ, što pravodzić vybary padčas vajny nierazumna. Pry Čerčylu — nie pravodzili
Tramp nazvaŭ Zialenskaha «dyktataram biez vybaraŭ» i «siarednim pa paśpiachovaści komikam»
«Heta niemahčyma». Zialenski adkazaŭ Trampu na mahčymaść praviadzieńnia zaraz vybaraŭ
Jeŭrapiejskija śpiecsłužby bajacca vyvadu amierykanskich vojskaŭ z krain ES
Kamientary