Daradca Trampa źviazaŭ jaho rezkija zajavy ab Ukrainie z zatrymkaj «pahadnieńnia pa karysnych vykapniach»
Daradca prezidenta ZŠA pa nacyjanalnaj biaśpiecy Majk Uołtc, kamientujučy apošnija rezkija zajavy Donalda Trampa ŭ bok Ukrainy, zhadaŭ pra «eskałacyju rytoryki» i «supraciŭ» zaklučeńniu pahadnieńnia ab raspracoŭcy ŭkrainskich karysnych vykapniaŭ. Pra heta jon skazaŭ heta ŭ efiry Fox News.
Pavodle Uołtca, «nie ŭsie» jašče pryniali zaviaršeńnie epochi «biaskoncaj vajny, jakaja niasie śmierć i razbureńni z usich bakoŭ, kaštuje sotni miljardaŭ dalaraŭ i zabiraje sotni tysiač, kali nie miljony žyćciaŭ».
«Ja dumaju, što rasčaravańnie nasamreč uźnikła tolki ciaham apošniaha tydnia praz hety dziŭny supraciŭ, eskałacyju rytoryki vakoł pradstaŭleńnia taho, što my ličym absalutnaj mahčymaściu — a mienavita, kab Złučanyja Štaty inviestavali ŭ ukrainskuju infrastrukturu, kab jany raspracoŭvali svaje karysnyja vykapni, svaje pryrodnyja resursy».
Uołtc padkreśliŭ, što ZŠA — u adroźnieńnie ad Jeŭropy — nie chočuć pradastaŭlać bolšaść dapamohi ŭ vyhladzie «kredytaŭ, jakija pahašajucca za košt pracentaŭ ad aryštavanych rasijskich aktyvaŭ».
«My ličym, što amierykanskija padatkapłacielščyki zasłuhoŭvajuć viartańnia bolšaj častki svaich inviestycyj. Usio heta — mahčymaść dla Ukrainy. Jany pavinny ŭbačyć heta, a zamiest hetaha my bačym takuju eskałacyju rytoryki i supraciŭ, i prezident (Tramp) nie źbirajecca hetaha ciarpieć», — dadaŭ Uołtc.
Paźniej učora Tramp abvinavaciŭ Ukrainu ŭ zryvie ździełki pa redkaziamielnych mietałach.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary
Tyja hrošy - inviestycyja ŭ pieramohu.
Niama pieramohi - značyć inviestavaŭ niaŭdała.
Rejhan ruskich nazyvaju Žycharami Nihiera, jon ź ich ździekavaŭsia i śmiajaŭsia publična.
A Dońni tusujecca ź imi i kaža jakija jany charošyja. Voś čamu Dońni, ciabie nichto nie pavažaje i pavažać nie budzie. Skažy chto tvoj siabra - i ja skažu chto ty.