U mierapryjemstvie płanujecca ŭdzieł 24 paradnych raźlikaŭ i pavietranych sudnaŭ, raskazaŭ pamočnik ministra abarony pa ideałahičnaj rabocie hienierał-major Leanid Kasinski.
Vajskovy parad da 80-j hadaviny pieramohi nad nacysckaj Hiermanijaj budzie tematyčna składacca z histaryčnaj i sučasnaj častak.
«Histaryčnaja častka budzie ŭklučać u siabie prachodžańnie roznaj retratechniki i paradnych raźlikaŭ u formie z uzbrajeńniem vajennych hadoŭ. Pa sutnaści, histaryčnaja častka budzie pabudavanaja na asobnych elemientach parada Pieramohi 1945 hoda ŭ Maskvie. U składzie miechanizavanaj kałony projduć lehiendarnyja tanki T-34. Upieršyniu na paradzie buduć pradstaŭlenyja znakamityja tačanki z kulamiotami», — udakładniŭ Kasinski.
Taksama ŭ paradzie budzie ŭdzielničać sučasnaja technika biełaruskaj armii: pačynajučy ad braniavanaj i zakančvajučy ŭzorami techniki suviazi i radyjoelektronnaj baraćby.
Na parad u Minsku zaprošanyja vajskoŭcy z Rasii i Kitaja, a taksama hrupy ź dziaržaŭnymi ściahami krain SND.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary