U Rumynii zatrymali prarasijskaha kandydata ŭ prezidenty Kelina Džardžesku
U paplečnikaŭ palityka, jakoha źviazvajuć z Maskvoj, prachodziać pieratrusy.
U Rumynii zatrymali eks-kandydata ŭ prezidenty Kelina Džardžesku. Jaho mašynu spyniła palicyja, paśla hetaha palityka dastavili na dopyt u Hienprakuraturu.
Adnačasova siłaviki praviali 47 vobšukaŭ u nabližanych da Džardžesku, uklučajučy jaho ciełaachoŭnika Characiju Potru, a taksama partniorku achoŭnika, jakaja, pavodle danych śledstva, maje ciesnyja suviazi z vyšejšymi kołami ŭłady ŭ Maskvie, piša digi24.ro.
Na niekalkich fatahrafijach, jakija fihurujuć u rasśledavańni, partniorka achoŭnika adlustravanaja pobač z čačenskimi najmitami i publikavała pasty, što demanstrujuć jaje simpatyju da Rasii. Taksama, pavodle infarmacyi śledstva, Characiju Potra byŭ zaŭvažany na Krasnaj płoščy ŭ Maskvie ŭ vieraśni minułaha hoda.
Siarod abvinavačvańniaŭ, pradjaŭlenych zatrymanym, značacca stvareńnie fašysckaj hrupoŭki i falsifikacyja danych ab finansavańni vybarčaj kampanii Džardžesku.
Kamanda palityka paśla zatrymańnia zajaviła, što jon maje namier pazmahacca za pasadu prezidenta na budučych vybarach.
Nahadajem, Džardžesku pieramoh u pieršym tury prezidenckich vybaraŭ, nabraŭšy 22.94% hałasoŭ, jon pavinien byŭ pazmahacca za prezidencki post u druhim tury. Adnak Kanstytucyjny sud skasavaŭ vyniki pieršaha tura z-za zamiežnaha ŭmiašańnia ŭ vybarčy praces. Pavodle danych śpiecsłužbaŭ, za Džardžesku ŭ tik-toku ahitavali dziasiatki tysiač botaŭ, jakich źviazvajuć z Kramlom.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
Zaraz azaronkapadobnyja pačnuć jenčyć pra "svabodu słova i demakaratyju" =)