U ahni i ciskaninie na dyskatecy ŭ Paŭnočnaj Makiedonii zahinuli najmieniej 50 čałaviek
Nočču na dyskatecy Pulse u horadzie Kočani ŭ Paŭnočnaj Makiedonii adbyŭsia pažar. Achviarami, pavodle infarmacyi Ministerstva ŭnutranych spraŭ krainy, stali najmieniej 50 čałaviek. Imavierna, heta vielmi maładyja ludzi.
Dakładnaja kolkaść achviar trahiedyi naviadomaja. Miarkujecca, što pa mienšaj miery 50 čałaviek zahinuli i jašče dziasiatki atrymali ranieńni ŭ vyniku mocnaha pažaru, jaki achapiŭ nočču načny kłub kala 3 hadzin nočy.
Pavodle śviedčańniaŭ vidavočcaŭ, niekatoryja naviedvalniki byli razdušany padčas ciskaniny, kali ludzi ŭciakali, ratujučy svajo žyćcio ad połymia. Na kancercie było kala 1500 hledačoŭ.
Pryčyny pažaru pakul nieviadomyja. Miarkujecca, što hetaja trahiedyja, jakaja nie maje anałahaŭ u historyi Kačani, adbyłasia praź piratechniku na dyskatecy padčas kancertu makiedonskaha hurtu DNA.
Siońnia ranicaj u Kočani adčajna šukajuć svaich blizkich. Bo nichto nie viedaje, žyvyja jany ci miortvyja.
— Šukaju ŭnučku. U jaje zvanić telefon, jana nie adkazvaje. My byli ŭ špitali ŭ Kočani, u Štypie, niekatorych adpravili ŭ Skopje. Mahčyma, jana paranienaja i nie moža patelefanavać. Kamuści treba terminova niejak patłumačyć skazać, dzie šukać, — skazaŭ surazmoŭca «Radyjo Svaboda» z Kočani.
Pierad špitalem u Kočani znachodzicca vialikaja kolkaść svajakoŭ i blizkich paranienych i zahinułych.
Pavodle miascovych ŚMI, u sacyjalnych sietkach užo publikujucca zakliki ab dapamozie balnicy Kočani, jakaja nie maje dastatkovaj mahutnaści dla baraćby z trahiedyjaj takoha maštabu.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary
Spačuvańni zahinuŭšym, paciarpiełym i ich svajakam.